I love you very much: നെയ്മർക്ക് വെറാറ്റിയുടെ സ്നേഹ സന്ദേശം!

ബ്രസീലിയൻ സൂപ്പർ താരമായ നെയ്മർ ജൂനിയർ പിഎസ്ജിയോട് വിടപറഞ്ഞു കഴിഞ്ഞു. സൗദി അറേബ്യൻ ക്ലബ്ബായ അൽ ഹിലാലാണ് നെയ്മറെ സ്വന്തമാക്കിയിട്ടുള്ളത്.രണ്ടുവർഷത്തെ കോൺട്രാക്ടിലാണ് നെയ്മർ ജൂനിയർ ഒപ്പു വച്ചിരിക്കുന്നത്. 90 മില്യൺ യൂറോയാണ് ട്രാൻസ്ഫർ ഫീയായികൊണ്ട് പിഎസ്ജിക്ക് ലഭിച്ചിരിക്കുന്നത്. 6 സീസണുകൾ ക്ലബ്ബിനോടൊപ്പം ചിലവഴിച്ച ശേഷമാണ് നെയ്മർ ഇപ്പോൾ പാരീസ് വിടുന്നത്.

ഈ ആറു വർഷക്കാലവും നെയ്മറുടെ ഉറ്റ സുഹൃത്തായി നിലകൊണ്ട സൂപ്പർതാരമാണ് മാർക്കോ വെറാറ്റി.ക്ലബ്ബ് വിട്ടുപോകുന്ന നെയ്മർ ജൂനിയർക്ക് ഒരു സ്നേഹ സന്ദേശം ഇപ്പോൾ വെറാറ്റി നൽകിയിട്ടുണ്ട്. ഞാൻ നിന്നെ വളരെയധികം സ്നേഹിക്കുന്നു എന്നാണ് വെറാറ്റി നെയ്മറോട് പറഞ്ഞിട്ടുള്ളത്. തന്റെ ഇൻസ്റ്റാഗ്രാമിലൂടെയാണ് അദ്ദേഹം ഈ മെസ്സേജ് പങ്കുവെച്ചിട്ടുള്ളത്.വെറാറ്റിയുടെ വാക്കുകൾ ഇങ്ങനെയാണ്.

” നമ്മൾ ഒരുമിച്ച് ചിലവഴിച്ച ഈ വർഷങ്ങളെല്ലാം വളരെയധികം മനോഹരമായിരുന്നു എന്ന് ഞാൻ ഈ അവസരത്തിൽ പറയാൻ ആഗ്രഹിക്കുന്നു. ഞാൻ നിന്നെ വളരെയധികം സ്നേഹിക്കുന്നു നെയ്മർ.നിന്റെ ജീവിതത്തിലെ പുതിയ ഈ ഘട്ടത്തിന് ഞാൻ എല്ലാവിധ ആശംസകളും നേരുന്നു. നീ എന്റെ സുഹൃത്താണ്, അതിനേക്കാൾ ഉപരി നീ എനിക്ക് വളരെയധികം സ്പെഷ്യലായിട്ടുള്ള ഒരു വ്യക്തിയാണ് ” ഇതാണ് മാർക്കോ വെറാറ്റി നെയ്മർക്കുള്ള സന്ദേശമായി കൊണ്ട് കുറിച്ചിരിക്കുന്നത്.

2017 മുതലാണ് നെയ്മർ ജൂനിയർ പിഎസ്ജിക്ക് വേണ്ടി കളിച്ചു തുടങ്ങിയത്.173 മത്സരങ്ങൾ കളിച്ചതാരം 118 ഗോളുകൾ അവർക്ക് വേണ്ടി നേടിയിട്ടുണ്ട്. അതേസമയം മാർക്കോ വെറാറ്റി പിഎസ്ജി വിടുമെന്നുള്ള റൂമറുകൾ ഉണ്ടായിരുന്നുവെങ്കിലും അതിനുള്ള സാധ്യതകൾ കുറഞ്ഞുവരികയാണ്. നെയ്മറുടെ ക്ലബ്ബായ അൽ ഹിലാലിന് താരത്തെ സ്വന്തമാക്കാൻ താല്പര്യമുണ്ട്.