ലീഗ് വണ്ണിലെ ടീം ഓഫ് ദി സീസൺ, ഇടംനേടി നാല് പിഎസ്ജി താരങ്ങൾ

ഫ്രഞ്ച് മാധ്യമമായ എൽ എക്വിപെ തിരഞ്ഞെടുത്ത ലീഗ് വണ്ണിലെ ടീം ഓഫ് ദി സീസണിൽ ഇടംനേടിയത് നാല് പിഎസ്ജി താരങ്ങൾ. പതിനൊന്ന് പേരിൽ നാലും തങ്ങളുടെ ടീമിൽ നിന്ന് ഇടംനേടിയാണ് പിഎസ്ജി തങ്ങളുടെ ആധിപത്യമുറപ്പിച്ചത്. സൂപ്പർ താരങ്ങളായ നെയ്മർ ജൂനിയർ, കെയ്‌ലിൻ എംബപ്പേ, എയ്ഞ്ചൽ ഡി മരിയ, മാർകോ വെറാറ്റി എന്നിവരാണ് പിഎസ്ജിയിൽ നിന്ന് ഇടംനേടിയവർ. ഇത് കൂടാതെ റെയിംസിന്റെ മൂന്ന് താരങ്ങളും ഇടം നേടിയിട്ടുണ്ട്.

റാകോവിച്ച്, കമാറ, അബ്ദെൽഹാമിദ് എന്നിവരാണ് റെയിംസിൽ നിന്നും ഇടംനേടിയ താരങ്ങൾ. പ്രതിരോധനിരയിൽ സ്ട്രാസ്ബർഗിന്റെ സിംകാനും ലില്ലേയുടെ ഗബ്രിയേലും ഇടംനേടി. മുൻ ബയേൺ താരവും നിലവിൽ ലില്ലേ താരവുമായ റെനാറ്റോ സാഞ്ചസ് ആണ് ഇടംനേടിയ മറ്റൊരു താരം. മുന്നേറ്റനിരയിൽ മുൻ സെവിയ്യ താരവും നിലവിൽ മൊണാക്കോ താരവുമായ ബെൻ യെഡറും ഇടംകണ്ടെത്തി. സീസണിലെ പരിശീലകനായി തോമസ് ടഷേലും തിരഞ്ഞെടുക്കപ്പെട്ടു.