മെസ്സി @ 1000,അപൂർവ്വ നേട്ടത്തിൽ താരം!

ഇന്നലെ ലീഗ് വണ്ണിൽ നടന്ന മത്സരത്തിൽ വിജയം സ്വന്തമാക്കാൻ വമ്പൻമാരായ പിഎസ്ജിക്ക് സാധിച്ചിരുന്നു. രണ്ടിനെതിരെ നാലു ഗോളുകൾക്കാണ് പിഎസ്ജി നാന്റസിനെ പരാജയപ്പെടുത്തിയത്. മത്സരത്തിൽ സൂപ്പർ താരം ലയണൽ മെസ്സി ഒരു ഗോൾ നേടിയിരുന്നു.മത്സരത്തിന്റെ പന്ത്രണ്ടാം മിനിട്ടിലായിരുന്നു ഈ ഗോൾ പിറന്നത്.

ഇതോടുകൂടി അപൂർവ്വ നേട്ടം മെസ്സി കരസ്ഥമാക്കിയിട്ടുണ്ട്. ക്ലബ്ബ് കരിയറിൽ ആയിരം ഗോൾ കോൺട്രിബ്യൂഷൻസ് സ്വന്തമാക്കാൻ മെസ്സിക്ക് കഴിഞ്ഞിട്ടുണ്ട്.701 ഗോളുകളാണ് ലയണൽ മെസ്സി ക്ലബ്ബ് കരിയറിൽ നേടിയിട്ടുള്ളത്.299 അസിസ്റ്റുകളും മെസ്സി നേടിയിട്ടുണ്ട്.ഇങ്ങനെയാണ് മെസ്സി ആയിരം ഗോൾ പങ്കാളിത്തങ്ങൾ വഹിച്ചിട്ടുള്ളത്.

672 ഗോളുകളാണ് ബാഴ്സക്ക് വേണ്ടി മെസ്സി നേടിയിട്ടുള്ളത്. 29 ഗോളുകൾ പിഎസ്ജിയിലും ലയണൽ മെസ്സി കരസ്ഥമാക്കി കഴിഞ്ഞു.മാത്രമല്ല സീനിയർ കരിയറിൽ ആകെ 799 ഗോളുകൾ മെസ്സി പൂർത്തിയാക്കിയിട്ടുണ്ട്. ഒരു ഗോൾ കൂടി നേടിയാൽ മെസ്സി 800 ഗോളുകൾ തികയ്ക്കും. ഒരു അസിസ്റ്റ് ക്ലബ്ബ് തലത്തിൽ നേടിയാൽ മെസ്സി 300 അസിസ്റ്റ് പൂർത്തിയാക്കുകയും ചെയ്യും. ചുരുക്കത്തിൽ ഇനിയും ഒരുപാട് അപൂർവ്വ റെക്കോർഡുകളാണ് മെസ്സിയെ കാത്തിരിക്കുന്നത്.