മെസ്സിയും സംഘവും ഇന്ന് മാഴ്സെക്കെതിരെ, സാധ്യത ഇലവൻ ഇങ്ങനെ!

ലീഗ് വണ്ണിലെ തങ്ങളുടെ ആദ്യ ക്ലാസിക്കോ പോരാട്ടത്തിന് ഇന്ന് പിഎസ്ജി കളത്തിലിറങ്ങും. ഒളിമ്പിക് മാഴ്സെയാണ് പിഎസ്ജിയുടെ എതിരാളികൾ. ഇന്ന് രാത്രി ഇന്ത്യൻ സമയം 12:15-ന് മാഴ്സെയുടെ മൈതാനത്ത് വെച്ചാണ് ഈയൊരു മത്സരം അരങ്ങേറുക.

സൂപ്പർ താരം ലയണൽ മെസ്സി തന്നെയാണ് മത്സരത്തിലെ പ്രധാന ശ്രദ്ധാകേന്ദ്രം. താരം ഇതുവരെ ലീഗ് വണ്ണിൽ ഗോൾ നേടിയിട്ടിൽ. ആ ഗോൾ തന്റെ മുൻപരിശീലകനായ സാംപോളിക്കെതിരെ പിറക്കുമോ എന്നാണ് ആരാധകർക്കറിയേണ്ടത്.

അതേസമയം നെയ്മർ ജൂനിയർ ഈ മത്സരത്തിന് ലഭ്യമായിരിക്കുമെന്ന് പരിശീലകൻ പോച്ചെട്ടിനോ അറിയിച്ചിട്ടുണ്ട്. കഴിഞ്ഞ ചാമ്പ്യൻസ് ലീഗ് മത്സരം പരിക്ക് മൂലം നെയ്മർക്ക്‌ നഷ്ടമായിരുന്നു. പക്ഷേ ആദ്യ ഇലവനിൽ തന്നെ താരം ഉണ്ടാവുമോ എന്നുള്ളത് സംശയകരമാണ്. ഒരുപക്ഷെ പകരക്കാരനായിട്ടായിരിക്കും നെയ്മർ കളത്തിലേക്ക് എത്തുക.

പിഎസ്ജി സാധ്യത ലൈനപ്പ് താഴെ നൽകുന്നു.

Donnarumma; Diallo, Kimpembe, Marquinhos, Hakimi; Verratti, Gueye, Herrera; Messi, Mbappe, Di Maria