പെർഫെക്ട് ജോഡി : മെസ്സി-എംബപ്പേ സഖ്യത്തെ കുറിച്ച് പണ്ഡിറ്റ്

കഴിഞ്ഞ മത്സരത്തിൽ അജാക്സിയോക്കെതിരെ മിന്നുന്ന വിജയം കരസ്ഥമാക്കാൻ പിഎസ്ജിക്ക് സാധിച്ചിരുന്നു. എതിരില്ലാത്ത മൂന്ന് ഗോളുകൾക്കായിരുന്നു പിഎസ്ജി വിജയം നേടിയിരുന്നത്. ഈ മൂന്ന് ഗോളുകളിലും മെസ്സി-എംബപ്പേ സഖ്യത്തിന്റെ സാന്നിധ്യമുണ്ടായിരുന്നു.

ഇപ്പോഴിതാ ഈ സഖ്യത്തെ പ്രശംസിച്ചുകൊണ്ട് പ്രമുഖ ഫുട്ബോൾ നിരീക്ഷകനായ ലേബൂഫ് രംഗത്ത് വന്നിട്ടുണ്ട്. പെർഫക്റ്റ് ജോഡി എന്നാണ് ഇദ്ദേഹം പറഞ്ഞിട്ടുള്ളത്.മെസ്സി ഒപ്പമുള്ളത് കൊണ്ട് കിലിയൻ എംബപ്പേക്ക് ഇനിയും ഒരുപാട് ഗോളുകൾ നേടാമെന്നും ഇദ്ദേഹം കൂട്ടിച്ചേർത്തു.ലേബൂഫിന്റെ വാക്കുകളെ ESPN റിപ്പോർട്ട് ചെയ്യുന്നത് ഇങ്ങനെയാണ്.

” മെസ്സിക്കും എംബപ്പേക്കും ഇടയിലുള്ള കെമിസ്ട്രി നല്ല രൂപത്തിൽ വർക്ക് ചെയ്തിട്ടുണ്ട്.അവർ പരസ്പരം സഹായിക്കാനാണ് ശ്രമിക്കുന്നത്. രണ്ട് ഗോളുകളും ഒരു അസിസ്റ്റും എംബപ്പേ നേടിയപ്പോൾ ഒരു ഗോളും രണ്ട് അസിസ്റ്റും മെസ്സി നേടി. പെർഫെക്റ്റ് ജോഡിയാണ് ഇവർ. ലോകത്തിലെ ഏറ്റവും മികച്ച താരമാണ് എംബപ്പേക്കൊപ്പം കളിക്കുന്നത്. അതുകൊണ്ടുതന്നെ അദ്ദേഹത്തെ സംബന്ധിച്ചിടത്തോളം കാര്യങ്ങൾ എളുപ്പമാകുന്നു.എംബപ്പേക്ക് ഈ സീസണിൽ ഒരുപാട് ഗോളുകൾ നേടാൻ സാധിക്കും.അസിസ്റ്റുകൾ നൽകാൻ ഇഷ്ടപ്പെടുന്ന താരമാണ് ലയണൽ മെസ്സി. അത് ഗുണം ചെയ്യുക എംബപ്പേക്കാവും ” ഇതാണ് ലേബൂഫ് പറഞ്ഞിട്ടുള്ളത്.

ഈ ലീഗ് വണ്ണിൽ ഇപ്പോൾ തന്നെ മെസ്സി ആറ് അസിസ്റ്റുകൾ എംബപ്പേക്ക് നൽകി കഴിഞ്ഞിട്ടുണ്ട്. ആകെ 14 അസിസ്റ്റുകളാണ് മെസ്സി എംബപ്പേക്ക് കരിയറിൽ നൽകിയിട്ടുള്ളത്.