പിഎസ്ജിയിൽ നിന്നും ബഹുമാനമാണ് എംബപ്പേ ആവശ്യപ്പെടുന്നത്: താരത്തിന് പിന്തുണയുമായി ദ്രോഗ്ബ!

കിലിയൻ എംബപ്പേയും അദ്ദേഹത്തിന്റെ പെരുമാറ്റവും പിഎസ്ജിക്ക് തലവേദനയായി കൊണ്ടിരിക്കുന്ന ഒരു സമയമാണിത്.താരത്തിന്റെ കരാർ പുതുക്കാൻ വേണ്ടി പിഎസ്ജി വളരെയധികം കഷ്ടപ്പെട്ടിരുന്നു.എന്നാൽ ജനുവരിയിൽ തന്നെ അദ്ദേഹത്തിന് ക്ലബ്ബ് വിടാൻ താല്പര്യമുണ്ട് എന്നാണ് അറിയാൻ സാധിക്കുന്നത്. ഈ റൂമറുകൾ ഒക്കെ തന്നെയും പിഎസ്ജിയുടെ ശ്രദ്ധ തെറ്റിക്കുന്നതാണ്.

എന്നാൽ കിലിയൻ എംബപ്പേക്ക് പിന്തുണ നൽകിക്കൊണ്ട് ചെൽസി ഇതിഹാസമായ ദിദിയർ ദ്രോഗ്ബ രംഗത്ത് വന്നിട്ടുണ്ട്.പിഎസ്ജിയിൽ നിന്നും ബഹുമാനമാണ് എംബപ്പേ ആവശ്യപ്പെടുന്നത് എന്നാണ് ദ്രോഗ്ബ പറഞ്ഞിട്ടുള്ളത്. അദ്ദേഹത്തിന്റെ വാക്കുകളെ കനാൽ സപ്പോട്ടേഴ്സ് റിപ്പോർട്ട് ചെയ്യുന്നത് ഇങ്ങനെയാണ്.

” എംബപ്പേ പിഎസ്ജിയോട് ആവിശ്യപ്പെടുന്നത് ബഹുമാനമാണ് എന്നാണ് ഞാൻ കരുതുന്നത്. അദ്ദേഹം ഒരു യുവതാരമാണ് എന്നുള്ളത് നിങ്ങൾ മറക്കരുത്. അദ്ദേഹത്തിന് ഒരുപക്ഷേ തെറ്റുകൾ പറ്റിയേക്കാം.പക്ഷേ നിങ്ങൾ അവനോട് സൗമ്യത കാണിക്കണം.രാജ്യത്തെ പ്രതിനിധീകരിച്ചുകൊണ്ട് വേൾഡ് കപ്പ് സമ്മാനിച്ച ഒരു താരമാണ് അദ്ദേഹം.അതിനാൽ നിങ്ങൾ കാര്യങ്ങൾ കൂടുതൽ ശാന്തമാക്കാനാണ് ശ്രമിക്കേണ്ടത് ” ഇതാണ് ദ്രോഗ്ബ പറഞ്ഞിട്ടുള്ളത്.

ഈ സീസണിന്റെ തുടക്കം തൊട്ടേ വിവാദങ്ങളിൽ അകപ്പെട്ടിട്ടുള്ള താരമാണ് എംബപ്പേ.എന്നിരുന്നാലും മോശമല്ലാത്ത ഒരു തുടക്കം ഈ സീസണിൽ അദ്ദേഹത്തിന് ലഭിച്ചിട്ടുണ്ട്.ലീഗ് വണ്ണിൽ 8 ഗോളുകൾ നേടാൻ എംബപ്പേക്ക് സാധിച്ചിട്ടുണ്ട്.