പിഎസ്ജിക്കൊപ്പം പരിശീലനം നടത്താതെ മെസ്സി!

ലീഗ് വണ്ണിൽ നടക്കുന്ന അടുത്ത മത്സരത്തിൽ പിഎസ്ജിയുടെ എതിരാളികൾ റെന്നസാണ്. ഞായറാഴ്ച രാത്രി ഇന്ത്യൻ സമയം 9:35 നാണ് ഈയൊരു മത്സരം അരങ്ങേറുക.പിഎസ്ജിയുടെ മൈതാനത്തെ വച്ചുതന്നെയാണ് ഈ മത്സരം നടക്കുക.

ഈ മത്സരത്തിനു മുന്നോടിയായുള്ള പരിശീലനസെഷനുകൾ ഇന്നലെ പിഎസ്ജി നടത്തിയിരുന്നു. ഇതിലെ ഏറ്റവും പ്രധാനപ്പെട്ട വാർത്ത എന്തെന്നാൽ സൂപ്പർതാരം ലയണൽ മെസ്സി ഇന്നലെ പരിശീലനത്തിൽ പങ്കെടുത്തിട്ടില്ല എന്നുള്ളതാണ്. പ്രമുഖ ഫ്രഞ്ച് മാധ്യമമായ ലെ എകുപ്പാണ് ഇക്കാര്യം റിപ്പോർട്ട് ചെയ്തിട്ടുള്ളത്.

എന്തുകൊണ്ടാണ് ലയണൽ മെസ്സി പരിശീലനത്തിന് എത്താത്തത് എന്നുള്ള കാരണം വ്യക്തമല്ല.മെസ്സിക്ക് പരിക്കാണ് എന്ന് ചില മാധ്യമങ്ങൾ റിപ്പോർട്ട് ചെയ്യുമ്പോൾ മറ്റു ചില മാധ്യമങ്ങൾ മെസ്സി ദോഹയിലേക്ക് സഞ്ചരിച്ചു എന്നും റിപ്പോർട്ട് ചെയ്യുന്നുണ്ട്. പക്ഷേ ഇതിലെ സത്യാവസ്ഥ എന്താണ് എന്നുള്ളത് പുറത്തേക്ക് വരേണ്ടതുണ്ട്.അടുത്ത മത്സരത്തിൽ മെസ്സി കളിക്കുമോ എന്നുള്ളതും അവ്യക്തമായ കാര്യമാണ്.

മികച്ച പ്രകടനമാണ് ഈ സീസണിൽ മെസ്സി പുറത്തെടുക്കുന്നത്.ഈ വർഷം 13 ഗോളുകളും 13 അസിസ്റ്റുകളും മെസ്സി പൂർത്തിയാക്കിയിട്ടുണ്ട്. ഈ സീസണിൽ ആകെ 51 ഗോളുകളിൽ പങ്കാളിത്തം വഹിക്കാൻ കഴിഞ്ഞിട്ടുണ്ട്. യൂറോപ്പിലെ ടോപ്പ് ഫൈവ് ലീഗുകളിൽ ഏറ്റവും കൂടുതൽ ഗോൾ പങ്കാളിത്തം വഹിച്ച താരവും മെസ്സി തന്നെയാണ്.