ചാമ്പ്യൻസ് ലീഗിലെ പുറത്താവൽ, ആരാധകർക്ക് സന്ദേശവുമായി നെയ്മർ!
ഇന്നലെ ലീഗ് വണ്ണിൽ നടന്ന മത്സരത്തിൽ തകർപ്പൻ വിജയം നേടാൻ വമ്പന്മാരായ പിഎസ്ജിക്ക് സാധിച്ചിരുന്നു. ഒന്നിനെതിരെ അഞ്ച് ഗോളുകൾക്കാണ് പിഎസ്ജി ലോറിയെന്റിനെ പരാജയപ്പെടുത്തിയത്. സൂപ്പർ താരം നെയ്മർ ജൂനിയർ ഇരട്ട ഗോളുകളുമായി ഈ മത്സരത്തിൽ തിളങ്ങി നിന്നു.
ഏതായാലും ഈ മത്സരത്തിന് ശേഷം നെയ്മർ ജൂനിയർ ക്ലബ്ബിന്റെ ആരാധകർക്ക് ചില സന്ദേശങ്ങൾ നൽകിയിട്ടുണ്ട്.യുവേഫ ചാമ്പ്യൻസ് ലീഗിലെ പുറത്താവലിനെ കുറിച്ചാണ് നെയ്മർ സംസാരിച്ചിട്ടുള്ളത്. ആ തോൽവി ഇപ്പോഴും വളരെയധികം വേദനിപ്പിക്കുന്നു എന്നാണ് നെയ്മർ പറഞ്ഞിട്ടുള്ളത്. മത്സരശേഷം സംസാരിക്കുകയായിരുന്നു അദ്ദേഹം.നെയ്മറുടെ വാക്കുകൾ RMC സ്പോർട് റിപ്പോർട്ട് ചെയ്യുന്നത് ഇങ്ങനെയാണ്.
🗣 Neymar : "C'est très difficile ce qu'il s'est passé à Madrid. Ça nous fait très mal, c'est douloureux de perdre, parce qu'on espérait aller en finale de la C1. Je sais que c'est compliqué pour les supporters d'accepter cette défaite. Mais ça l'est encore plus pour nous."
— RMC Sport (@RMCsport) April 3, 2022
” ഈ മത്സരത്തിലെ വിജയത്തിൽ ഞങ്ങൾ വളരെയധികം ഹാപ്പിയാണ്.ഏറ്റവും പ്രധാനപ്പെട്ട കാര്യം ഈ വിജയം തുടർന്നും കൊണ്ടു പോവുക എന്നുള്ളതാണ്. കാരണം ഈ ചാമ്പ്യൻഷിപ്പ് വളരെയധികം ബുദ്ധിമുട്ടുള്ളതാണ്. ഞങ്ങൾ ഒരിക്കലും പരാജയം ഇഷ്ടപ്പെടുന്നില്ല. മാഡ്രിഡിൽ സംഭവിച്ചത് വളരെയധികം ബുദ്ധിമുട്ടുള്ള ഒരു കാര്യമാണ്. പക്ഷേ ഞങ്ങൾ മുന്നോട്ടുപോകേണ്ടതുണ്ട്. ആ തോൽവി ഇപ്പോഴും വളരെയധികം വേദനിപ്പിക്കുന്നു. കാരണം ചാമ്പ്യൻസ് ലീഗിൽ ഫൈനലിൽ എത്തുമെന്ന് ഞങ്ങൾ പ്രതീക്ഷിച്ചിരുന്നു. ആ തോൽവി ആരാധകർക്ക് അംഗീകരിക്കാൻ ബുദ്ധിമുട്ട് ഉണ്ടാവുമെന്ന് എനിക്കറിയാം. പക്ഷേ അതിലേറെ ബുദ്ധിമുട്ടുണ്ട് ഞങ്ങൾക്ക് ” ഇതാണ് നെയ്മർ പറഞ്ഞിട്ടുള്ളത്.
ചാമ്പ്യൻസ് ലീഗിന്റെ പ്രീക്വാർട്ടർ പോരാട്ടത്തിൽ രണ്ട് ഗോളിന്റെ ലീഡ് വരെ ഒരവസരത്തിൽ പിഎസ്ജിക്ക് ഉണ്ടായിരുന്നു. എന്നാൽ മൂന്ന് ഗോളുകൾ വഴങ്ങി കൊണ്ട് പിഎസ്ജി ചാമ്പ്യൻസ് ലീഗിൽ നിന്നും പുറത്താവുകയായിരുന്നു.
