ക്ലബ്ബിനോട് റെസ്പെക്ട് ഇല്ലെങ്കിൽ പുറത്തുപോകൂ :പിഎസ്ജി സൂപ്പർ താരത്തോട് റോതൻ!

കഴിഞ്ഞ ലീഗ് മത്സരത്തിൽ ഒരു ഞെട്ടിക്കുന്ന തോൽവി പിഎസ്ജിക്ക് ഏറ്റുവാങ്ങേണ്ടി വന്നിരുന്നു. ഒന്നിനെതിരെ 3 ഗോളുകൾക്കായിരുന്നു ലോറിയെന്റ് പിഎസ്ജിയോട് പരാജയപ്പെട്ടത്. ഇതോടുകൂടി വലിയ വിമർശനങ്ങളാണ് പിഎസ്ജി താരങ്ങൾക്ക് ലഭിച്ചിട്ടുള്ളത്. അവസാനമായി കളിച്ച 8 മത്സരങ്ങളിൽ നാലെണ്ണത്തിലും പിഎസ്ജി പരാജയപ്പെടുകയാണ് ചെയ്തിട്ടുള്ളത്.

ഏതായാലും മുൻ പിഎസ്ജി താരമായിരുന്നു ജെരോം റോതൻ പതിവുപോലെ രൂക്ഷ വിമർശനങ്ങൾ ഉന്നയിച്ചിട്ടുണ്ട്. മധ്യനിരയിലെ സൂപ്പർതാരമായ മാർക്കോ വെറാട്ടിയെയാണ് ഇദ്ദേഹം ലക്ഷ്യം വെച്ചിട്ടുള്ളത്. ക്ലബ്ബിനോട് റെസ്‌പെക്ട് ഇല്ലെങ്കിൽ പുറത്ത് പോകൂ എന്നാണ് ഇദ്ദേഹം പറഞ്ഞിട്ടുള്ളത്.RMC സ്പോർട്ടിൽ സംസാരിക്കുകയായിരുന്നു റോതൻ.അദ്ദേഹത്തിന്റെ വാക്കുകൾ ഇങ്ങനെയാണ്.

“വെറാട്ടി ഇപ്പോൾ മത്സരങ്ങളിൽ തീരെ ശ്രദ്ധിക്കുന്നില്ല.അദ്ദേഹത്തിന്റെ പുറത്ത് പോക്ക് വർധിച്ചിട്ടുണ്ട് എന്നാണ് എനിക്ക് തോന്നുന്നത്. അദ്ദേഹത്തിന്റെ തടി വർദ്ധിച്ചിട്ടുണ്ട്. അദ്ദേഹത്തിന് പന്ത് പലപ്പോഴും നഷ്ടപ്പെടുന്നു.എന്നിട്ടും നമ്മൾ ഒന്നും മിണ്ടുന്നില്ല. ഇത് മാർക്കോ വെരാറ്റിയാണ്,സാങ്കേതികപരമായ അദ്ദേഹം മികച്ചതാണ്,അദ്ദേഹത്തിന് ഇപ്പോൾ നഷ്ടപ്പെടുത്താനുള്ള അവകാശമുണ്ട് എന്ന് പറഞ്ഞിരിക്കുകയല്ല വേണ്ടത്. നമ്മളാണ് വെരാറ്റിക്ക് അവസരങ്ങൾ നൽകുന്നത്. നമ്മളാണ് കോൺട്രാക്ട് നീട്ടി നൽകുന്നത്. ക്ലബ്ബിനോട് പ്രസക്തി ഇല്ലെങ്കിൽ അദ്ദേഹം ക്ലബ്ബിന് പുറത്തു പോകട്ടെ. അങ്ങനെ തന്നെ അദ്ദേഹത്തോട് പറയണം ” ഇതാണ് റോതൻ പറഞ്ഞിട്ടുള്ളത്.

പിഎസ്ജി താരങ്ങൾക്ക് വലിയ വിമർശനങ്ങളാണ് റോതനിൽ നിന്നും ഏൽക്കേണ്ടി വരാറുള്ളത്. ഇനി അടുത്ത മത്സരത്തിൽ ട്രോയസിനെയാണ് പിഎസ്ജി നേരിടുക. 5 പോയിന്റിന്റെ ലീഡിലാണ് നിലവിൽ പിഎസ്ജിയുള്ളത്.