ഏഴോ പത്തോ? എംബപ്പേ റയലിൽ അണിയുക ഏത് ജേഴ്സി?

സൂപ്പർ താരം കിലിയൻ എംബപ്പേ തന്റെ പിഎസ്ജി കരിയറിന് വിരാമം കുറിക്കുകയാണ്. വരുന്ന സമ്മർ ട്രാൻസ്ഫർ വിൻഡോയിൽ ഫ്രീ ഏജന്റായി കൊണ്ടാണ് അദ്ദേഹം ക്ലബ്ബ് വിടുന്നത്. സ്പാനിഷ് വമ്പൻമാരായ റയൽ മാഡ്രിഡിലേക്കാണ് താരം ചേക്കേറുന്നത്.റയൽ മാഡ്രിഡുമായി അദ്ദേഹം എഗ്രിമെന്റിൽ എത്തിക്കഴിഞ്ഞു എന്ന കാര്യം പ്രമുഖ മാധ്യമമായ മാർക്ക സ്ഥിരീകരിച്ചു കഴിഞ്ഞിട്ടുണ്ട്.

2029 വരെയുള്ള ഒരു കരാറിലാണ് താരം ഒപ്പുവക്കുന്നത്. ഏറെക്കാലമായി കിലിയൻ എംബപ്പേയെ ലക്ഷ്യമിടുന്ന ക്ലബ്ബാണ് റയൽ മാഡ്രിഡ്.എന്നാൽ ഇതുവരെ അദ്ദേഹം വരാൻ തയ്യാറായിരുന്നില്ല. പക്ഷേ ഇത്തവണ അദ്ദേഹം പിഎസ്ജി വിടാൻ തീരുമാനിക്കുകയായിരുന്നു. വരുന്ന സീസണിൽ എംബപ്പേ റയൽ മാഡ്രിഡിന് വേണ്ടി കളിക്കുമ്പോൾ ഏത് ജേഴ്‌സി ധരിക്കും എന്നുള്ളത് ആരാധകർ ഉറ്റുനോക്കുന്ന ഒരു കാര്യമാണ്. അതുമായി ബന്ധപ്പെട്ട റിപ്പോർട്ടുകൾ ഇപ്പോൾ മുണ്ടോ ഡിപ്പോർട്ടിവോ പ്രസിദ്ധീകരിച്ചിട്ടുണ്ട്.

അതായത് റയലിൽ ക്രിസ്റ്റ്യാനോ റൊണാൾഡോ അണിഞ്ഞിരുന്ന ഏഴാം നമ്പർ ജേഴ്സി വിനീഷ്യസ് ജൂനിയറാണ് അണിഞ്ഞു കൊണ്ടിരിക്കുന്നത്. ഈ ഏഴാം നമ്പർ ജേഴ്സി എംബപ്പേക്ക് റയലിൽ ലഭിക്കാൻ സാധ്യത കുറവാണ്. അത് ലഭിക്കണമെങ്കിൽ ഒന്നുകിൽ വിനീഷ്യസ് ക്ലബ്ബ് വിടണം, അതല്ലെങ്കിൽ വിനീഷ്യസ് ഈ ജേഴ്സി വിട്ട് നൽകണം,ഇത് രണ്ടും വരുന്ന സമ്മറിൽ നടക്കാൻ സാധ്യത കുറവാണ് എന്നാണ് ഇവർ റിപ്പോർട്ട് ചെയ്തിട്ടുള്ളത്.

പിഎസ്ജിയിൽ ഏഴാം നമ്പർ ജേഴ്സിയാണ് എംബപ്പേ അണിയുന്നത്. പക്ഷേ റയലിലും ഏഴാം നമ്പർ ജേഴ്സി തന്നെ ധരിക്കണം എന്ന വാശിയൊന്നും എംബപ്പേക്കില്ല.അതുകൊണ്ടുതന്നെ പത്താം നമ്പർ ജേഴ്സിയായിരിക്കും അദ്ദേഹം തിരഞ്ഞെടുക്കുക.റയൽ സൂപ്പർ താരമായ മോഡ്രിച്ചാണ് നിലവിൽ പത്താം നമ്പർ ജേഴ്സി ധരിക്കുന്നത്. എന്നാൽ ഈ സീസൺ അവസാനിക്കുന്നതോടുകൂടി അദ്ദേഹം ക്ലബ് വിടുകയാണ്. അതുകൊണ്ടുതന്നെ എംബപ്പേക്ക് പത്താം നമ്പർ ജേഴ്സി റയൽ മാഡ്രിഡ് നൽകുമെന്നാണ് ഈ മാധ്യമം കണ്ടെത്തിയിരിക്കുന്നത്.