എംബപ്പേ ഒരു ബീസ്റ്റാണ് : പ്രശംസിച്ച് മെസ്സി!

ഈ സീസണിൽ തകർപ്പൻ ഫോമിലാണ് ഫ്രഞ്ച് വമ്പന്മാരായ പിഎസ്ജി ഇപ്പോൾ കളിച്ചുകൊണ്ടിരിക്കുന്നത്. ഇതിന് കാരണക്കാരാവുന്നത് മുന്നേറ്റ നിരയിലെ മൂന്ന് സൂപ്പർതാരങ്ങളാണ്. ലയണൽ മെസ്സിയും നെയ്മർ ജൂനിയറും കിലിയൻ എംബപ്പേയുമൊക്കെ ഇപ്പോൾ മികച്ച ഫോമിലാണ് കളിച്ചുകൊണ്ടിരിക്കുന്നത്.

ഏതായാലും തന്റെ സഹതാരമായ കിലിയൻ എംബപ്പേയെ കുറിച്ച് ലയണൽ മെസ്സി ഇപ്പോൾ മനസ്സ് തുറന്നു സംസാരിച്ചിട്ടുണ്ട്.കിലിയൻ എംബപ്പേ ഒരു ബീസ്റ്റാണ് എന്നാണ് മെസ്സി പറഞ്ഞിട്ടുള്ളത്. ഭാവിയിൽ ഏറ്റവും മികച്ച താരങ്ങളിൽ ഇടം നേടാൻ അദ്ദേഹത്തിന് കഴിയുമെന്നും മെസ്സി പറഞ്ഞിട്ടുണ്ട്.സ്റ്റോയ്ച്ച്കോവുമായി നടത്തിയ അഭിമുഖത്തിൽ സംസാരിക്കുകയായിരുന്നു മെസ്സി.അദ്ദേഹം പറഞ്ഞത് ഇങ്ങനെയാണ്.

“എംബപ്പേ ഒരു വ്യത്യസ്തനായ താരമാണ്. ഒരു ബീസ്റ്റാണ് അദ്ദേഹം.വൺ ഓൺ വൺ സാഹചര്യങ്ങളിൽ അദ്ദേഹം വളരെയധികം സ്ട്രോങ്ങുമാണ്. സ്പെസുകൾ കണ്ടെത്താൻ അദ്ദേഹത്തിന് കഴിയാറുണ്ട്.ഒരുപാട് ഗോളുകൾ അദ്ദേഹം നേടിയിട്ടുണ്ട്. ഒരു കംപ്ലീറ്റ് പ്ലെയറാണ് എംബപ്പേ. അത് ഇതിനോടകം തന്നെ അദ്ദേഹം തെളിയിച്ചു കഴിഞ്ഞിട്ടുണ്ട്. വരും വർഷങ്ങളിൽ അദ്ദേഹം ഏറ്റവും മികച്ച താരങ്ങളിൽ ഇടം നേടും ” ഇതാണ് മെസ്സി പറഞ്ഞിട്ടുള്ളത്.

നിലവിൽ അന്താരാഷ്ട്ര ഡ്യൂട്ടിയിലാണ് ഇരു താരങ്ങളും ഉള്ളത്. ഇതിനെ ശേഷം വരുന്ന ഒക്ടോബർ ഒന്നാം തീയതി മത്സരത്തിലാണ് പിഎസ്ജി ഇനി കളത്തിൽ ഇറങ്ങുക.