അരുതാത്തതൊന്നും സംഭവിച്ചില്ല,മെസ്സിക്ക് മികച്ച സ്വീകരണവുമായി ആരാധകർ!

ഇന്നലെ ലീഗ് വണ്ണിൽ നടന്ന മത്സരത്തിൽ എതിരില്ലാത്ത രണ്ട് ഗോളുകൾക്കായിരുന്നു പിഎസ്ജി വിജയിച്ചിരുന്നത്. സൂപ്പർ താരം ലയണൽ മെസ്സി ഈ മത്സരത്തിൽ ഒരു ഗോൾ കണ്ടെത്തിയിരുന്നു.വേൾഡ് കപ്പിന് ശേഷം മെസ്സി ആദ്യമായി കളിക്കുന്ന മത്സരമായിരുന്നു ഇത്. അതിൽ ഗോൾ കണ്ടെത്താനും താരത്തിന് സാധിച്ചു.

ലയണൽ മെസ്സിയെ ഏത് രൂപത്തിലായിരിക്കും പാരീസിലെ ആരാധകർ വരവേൽക്കുക എന്നുള്ള കാര്യത്തിൽ ചെറിയ ആശങ്കകൾ നിലനിന്നിരുന്നു. പ്രത്യേകിച്ച് മെസ്സിയുടെ സഹതാരമായ എമിലിയാനോ മാർട്ടിനസ് എംബപ്പേയെ അധിക്ഷേപിച്ചതൊക്കെ വിവാദമായ സാഹചര്യത്തിൽ എന്തെങ്കിലും പ്രതിഷേധങ്ങൾ മെസ്സിക്കെതിരെ ഉണ്ടാകുമോ എന്നുള്ളത് പലരും ആശങ്കപ്പെട്ടിരുന്ന ഒരു കാര്യമായിരുന്നു. എന്നാൽ അരുതാത്തതായി ഒന്നും തന്നെ മത്സരത്തിൽ സംഭവിച്ചിരുന്നില്ല.

അതായത് ലയണൽ മെസ്സിയുടെ പേര് അനൗൺസ്മെന്റ് ചെയ്ത സമയത്ത് കരഘോഷം മുഴക്കിയാണ് ആരാധകർ അതിനെ വരവേറ്റത്.ലയണൽ മെസ്സിയുമായി ആരാധകർക്ക് യാതൊരുവിധ പ്രശ്നങ്ങളും ഇല്ല എന്ന് തന്നെയാണ് ഇത് തെളിയിക്കുന്നത്. അതേസമയം പിഎസ്ജി പാർക്ക് ഡെസ് പ്രിൻസസിൽ മെസ്സിക്ക് സ്വീകരണം നൽകാൻ തയ്യാറായിരുന്നില്ല. അതിന്റെ കാരണവും ആരാധകരുടെ ഒരു സമീപനം എങ്ങനെയാവും എന്ന് ഭയന്നിട്ട് ആയിരുന്നു.

പക്ഷേ പരിശീലനം മൈതാനത്ത് വെച്ച് മെസ്സിയെ ഗാർഡ് ഓഫ് ഹോണർ നൽകിക്കൊണ്ട് ക്ലബ്ബ് ആദരിച്ചിരുന്നു. ഫ്രാൻസിന് പരാജയപ്പെടുത്തി കൊണ്ടായിരുന്നു അർജന്റീന കിരീടം ചൂടിയിരുന്നത്.ഇതിനാലാണ് കൂടുതൽ സ്വീകരണങ്ങൾ മെസ്സിക്ക് നൽകേണ്ടതില്ല എന്ന തീരുമാനത്തിലേക്ക് ക്ലബ്ബ് എത്തിച്ചേർന്നത്.