അഞ്ചടിച്ച് എംബപ്പേ,മിന്നിത്തിളങ്ങി നെയ്മർ,പിഎസ്ജിക്ക് കൂറ്റൻ ജയം!

ഇന്നലെ കോപ ഡി ഫ്രാൻസിൽ നടന്ന റൗണ്ട് 32 മത്സരത്തിൽ പിഎസ്ജിക്ക് കൂറ്റൻ വിജയം. എതിരില്ലാത്ത ഏഴ് ഗോളുകൾക്കാണ് പിഎസ്ജി എതിരാളികളായ പായ്സ്‌ ഡി കാസലിനെ പരാജയപ്പെടുത്തിയത്. 5 ഗോളുകൾ നേടിയ സൂപ്പർ താരം കിലിയൻ എംബപ്പേയാണ് പിഎസ്ജിക്ക് ഈ വിജയം സമ്മാനിച്ചിട്ടുള്ളത്.

ആറാം ഡിവിഷൻ ക്ലബ്ബിനെതിരെയാണ് ഈ വലിയ വിജയം പിഎസ്ജി സ്വന്തമാക്കിയിട്ടുള്ളത്.മത്സരത്തിൽ നെയ്മർ ജൂനിയറും മിന്നിത്തിളങ്ങിയിട്ടുണ്ട്. ഒരു ഗോളും രണ്ട് അസിസ്റ്റുമാണ് നെയ്മർ കരസ്ഥമാക്കിയിട്ടുള്ളത്.29,34,40,56,79 മിനിട്ടുകളിലാണ് എംബപ്പേയുടെ ഗോൾ പിറന്നിട്ടുള്ളത്.33ആം മിനുട്ടിൽ നെയ്മറും 64ആം മിനുട്ടിൽ സോളറും പിഎസ്ജിക്ക് വേണ്ടി ഗോളുകൾ നേടി.

ഈ 5 ഗോൾ നേട്ടത്തോടുകൂടി എംബപ്പേ ഒരു റെക്കോർഡ് സ്വന്തമാക്കിയിട്ടുണ്ട്. അതായത് ഇത് ആദ്യമായി കൊണ്ടാണ് ഒരു പിഎസ്ജി താരം ഒരു മത്സരത്തിൽ അഞ്ച് ഗോളുകൾ നേടുന്നത്.ആ റെക്കോർഡാണ് ഇപ്പോൾ എംബപ്പേ സ്വന്തമാക്കിയിട്ടുള്ളത്.ലയണൽ മെസ്സിയുടെ അഭാവത്തിലാണ് ഈ മത്സരം ക്ലബ്ബ് കളിച്ചത്.