സൂപ്പർ താരങ്ങളെ അണിനിരത്തും, അലാവസിനെതിരെയുള്ള ബാഴ്‌സയുടെ സാധ്യത ലൈനപ്പ് ഇങ്ങനെ !

ചാമ്പ്യൻസ് ലീഗിൽ യുവന്റസിനെ എതിരില്ലാത്ത രണ്ട് ഗോളുകൾക്ക് തകർത്തതിന്റെ ആവേശത്തിൽ കളത്തിലിറങ്ങാനിരിക്കുകയാണ് കറ്റാലൻ പട. ആ മത്സരത്തിൽ മിന്നും പ്രകടനമായിരുന്നു ബാഴ്‌സയുടെ ഭാഗത്ത്‌ നിന്നുണ്ടായത്. പക്ഷെ ലീഗിലെ അവസാനമത്സരത്തിൽ ബാഴ്‌സ റയലിനോട് തോൽക്കുകയാണ് ചെയ്തിരുന്നത്. കൂടാതെ അവസാനമൂന്ന് മത്സരങ്ങളിലും ജയം കൊയ്യാൻ ബാഴ്‌സക്ക് സാധിച്ചിരുന്നില്ല. ഇതിന്റെയൊക്കെ ക്ഷീണം തീർക്കാനുറച്ചാവും ബാഴ്‌സ അലാവസിനെതിരെ ഇന്ന് ബൂട്ടണിയുക. ഇന്ത്യൻ സമയം രാത്രി 1:30-ന് അലാവസിന്റെ മൈതാനത്ത് വെച്ചാണ് മത്സരം നടക്കുക. ചാമ്പ്യൻസ് ലീഗിൽ ഇറക്കിയ ആദ്യ ഇലവനിൽ നിന്നും കാര്യമായ മാറ്റങ്ങൾ ഒന്നും വരുത്താൻ കൂമാൻ ഉദ്ദേശിക്കുന്നില്ല. പെഡ്രിയെ മാറ്റി ഫാറ്റി വരും എന്നതാണ് മാർക്ക പറയുന്ന മാറ്റം.

പരിക്കേറ്റ കൂട്ടീഞ്ഞോ പുറത്ത് തന്നെയാണ്. ഡെംബലെയും ഗ്രീസ്‌മാനും തങ്ങളുടെ സ്ഥാനം നിലനിർത്തും. കൂടെ ഫാറ്റിയും മെസ്സിയുമാണ് മുന്നേറ്റത്തിൽ ഉണ്ടാവുക. ഈയൊരു ശക്തമായ ആക്രമണനിരയെയാണ് കൂമാൻ അഴിച്ചു വിടുക. സാധ്യത ഇലവനുകൾ താഴെ നൽകുന്നു.

Alaves: Fernando Pacheco; Ximo Navarro, Florian Lejeune, Victor Laguardia; Edgar Mendez, Rodrigo Battaglia, Jota, Tomas Pina, Ruben Duarte; Joselu and Deyverson.

Barcelona: Neto; Sergi Roberto, Gerard Pique, Clement Lenglet, Jordi Alba; Sergio Busquets, Frenkie de Jong; Ousmane Dembele, Antoine Griezmann, Ansu Fati and Lionel Messi.