വിനീഷ്യസ് ഷോ,റയൽ ഒന്നാമത്!

വിനീഷ്യസ് ജൂനിയർ തന്റെ തകർപ്പൻ ഫോം തുടർന്നപ്പോൾ റയലിന് വിജയം. ഒന്നിനെതിരെ രണ്ടു ഗോളുകൾക്കാണ് റയൽ മാഡ്രിഡ്‌ എൽചെയെ പരാജയപ്പെടുത്തിയത്. രണ്ടു ഗോളുകളും വിനീഷ്യസിന്റെ ബൂട്ടിൽ നിന്നായിരുന്നു പിറന്നിരുന്നത്. ജയത്തോടെ റയൽ പോയിന്റ് ടേബിളിൽ ഒന്നാം സ്ഥാനത്താണ്.11 മത്സരങ്ങളിൽ നിന്ന് 24 പോയിന്റാണ് റയലിന്റെ സമ്പാദ്യം.

സൂപ്പർ താരം കരിം ബെൻസിമയുടെ അഭാവത്തിലാണ് റയൽ ഇന്നിറങ്ങിയത്.വിനീഷ്യസ്, മരിയാനോ, റോഡ്രിഗോ എന്നിവരായിരുന്നു റയലിന്റെ മുന്നേറ്റനിരയിൽ.മത്സരത്തിന്റെ 22-ആം മിനുട്ടിൽ മരിയാനോയുടെ അസിസ്റ്റിൽ നിന്നാണ് വിനീഷ്യസ് ഗോൾ നേടിയത്.64-ആം മിനുട്ടിൽ റൗൾ ഗൂട്ടി റെഡ് കാർഡ് കണ്ടത് എൽചെക്ക് തിരിച്ചടിയായി.73-ആം മിനുട്ടിൽ വിനീഷ്യസ് വീണ്ടും വല കുലുക്കുകയായിരുന്നു.ലുക്കാ മോഡ്രിച്ചിന്റെ അസിസ്റ്റിൽ നിന്ന് തകർപ്പൻ ഒരു ഫിനിഷിങ്ങിലൂടെയാണ് വിനീഷ്യസ് ഗോൾ നേടിയത്.എന്നാൽ 86-ആം മിനുട്ടിൽ മില്ല എൽചെക്ക്‌ വേണ്ടി ഒരു ഗോൾ നേടുകയായിരുന്നു.