റൊണാൾഡീഞ്ഞോയാണ് മികച്ച താരം, അതിനും മുകളിൽ നിൽക്കുന്നത് മെസ്സി മാത്രം: സാവി

ലോകത്തിലെ ഏറ്റവും മികച്ച താരം റൊണാൾഡീഞ്ഞോ ആണെന്നും എന്നാൽ അതിനും മുകളിൽ നിൽക്കുന്ന താരമാണ് ലയണൽ മെസ്സിയെന്നും മുൻ ബാഴ്സ താരവും ഇരുവരുടെയും സഹതാരവുമായിരുന്ന സാവി. കഴിഞ്ഞ ദിവസം ഗ്ലോബോ സ്പോർട്ടെക്ക് നൽകിയ അഭിമുഖത്തിലാണ് സാവി തന്റെ സുഹൃത്തുക്കളെ കുറിച്ച് മനസ്സ് തുറന്നത്. ലോകം കണ്ട എക്കാലത്തെയും മികച്ച താരം ലയണൽ മെസ്സിയാണെന്നും അതിൽ യാതൊരു സംശയവുമില്ലെന്നും സാവി കൂട്ടിച്ചേർത്തു.

” സ്ഥിരത നഷ്ടപ്പെട്ടില്ലായിരുന്നുവെങ്കിൽ റൊണാൾഡീഞ്ഞോ ആയിരുന്നു എക്കാലത്തെയും മികച്ച താരം. പക്ഷെ അദ്ദേഹം മികച്ചതിൽ മികച്ചത് തന്നെയാണ്. എന്നാൽ കഴിഞ്ഞ കുറച്ചു വർഷങ്ങളായി മെസ്സി സ്ഥിരതയാർന്ന പ്രകടനമാണ് നടത്തുന്നത്. അത്കൊണ്ട് തന്നെ എക്കാലത്തെയും മികച്ച താരം മെസ്സി തന്നെയാണ്. മെസ്സി, റൊണാൾഡോ, ക്രിസ്റ്റ്യാനോ, റൊണാൾഡീഞ്ഞോ എന്നിവരാണ് ഫുട്ബോൾ ലോകത്തെ പ്രതിഭാസങ്ങൾ ” സാവി പറഞ്ഞു.