യുവേഫയുടെ ബെസ്റ്റ് പുരസ്‌ക്കാരജേതാക്കളെ പ്രഖ്യാപിച്ചു!

കഴിഞ്ഞ സീസണിലെ ഏറ്റവും മികച്ച താരത്തിനുള്ള പുരസ്‌ക്കാരം റയൽ മാഡ്രിഡിന്റെ ഫ്രഞ്ച് സൂപ്പർ താരമായ ബെൻസിമ സ്വന്തമാക്കി. ഒരല്പം മുമ്പാണ് യുവേഫ ഈ പുരസ്കാര ജേതാവിനെ പ്രഖ്യാപിച്ചത്.റയൽ ഗോൾകീപ്പർ കോർട്ടുവ, മാഞ്ചസ്റ്റർ സിറ്റി സൂപ്പർതാരം ഡി ബ്രൂയിന എന്നിവരെ മറികടന്നു കൊണ്ടാണ് ബെൻസിമ പുരസ്കാരം കരസ്ഥമാക്കിയിട്ടുള്ളത്.

കഴിഞ്ഞ സീസണിൽ മികച്ച പ്രകടനമാണ് ബെൻസിമ പുറത്തെടുത്തിട്ടുള്ളത്.റയലിന് ചാമ്പ്യൻസ് ലീഗ് കിരീടം ലാലിഗ കിരീടവും ലഭിക്കുന്നതിൽ പ്രധാനിയാവാൻ ബെൻസിമക്ക് സാധിച്ചിരുന്നു.അർഹിച്ച നേട്ടം തന്നെയാണ് താരത്തെ തേടി എത്തിയിരിക്കുന്നത്.

അതേസമയം ഏറ്റവും മികച്ച പരിശീലകനുള്ള പുരസ്കാരം റയൽ മാഡ്രിഡ് കാർലോ ആഞ്ചലോട്ടി സ്വന്തമാക്കി. മാഞ്ചസ്റ്റർ സിറ്റി പരിശീലകൻ പെപ് ഗ്വാർഡിയോള, ലിവർപൂൾ പരിശീലകൻ ക്ലോപ് എന്നിവരെയാണ് കാർലോ ആഞ്ചലോട്ടി പിന്തള്ളിയത്.

ആഞ്ചലോട്ടിക്ക് കീഴിലായിരുന്നു കഴിഞ്ഞ സീസണിൽ റയൽ ചാമ്പ്യൻസ് ലീഗ് കിരീടവും ലാലിഗ കിരീടവും നേടിയത്. കൂടാതെ യുവേഫ സൂപ്പർ കപ്പും ആഞ്ചലോട്ടി സ്വന്തമാക്കിയിരുന്നു.അർഹിച്ച പുരസ്കാരം തന്നെയാണ് ആഞ്ചലോട്ടി ഇപ്പോൾ കൈപ്പിടിയിൽ ഒതുക്കിയിട്ടുള്ളത്.