മെസ്സി പിഎസ്ജിയിലേക്ക് തന്നെ വരും, ആവർത്തിച്ച് ഡിമരിയ!

ദിവസങ്ങൾക്ക്‌ മുമ്പായിരുന്നു മെസ്സിയുടെ അർജന്റൈൻ സഹതാരവും പിഎസ്ജി താരവുമായ ഡിമരിയ മെസ്സിയെ കുറിച്ചൊരു പ്രസ്താവന നടത്തിയത്. ക്ലബ്ബിൽ മെസ്സിക്കൊപ്പം കളിക്കാൻ ആഗ്രഹമുണ്ടെന്നും അങ്ങനെയാണെങ്കിൽ തനിക്ക് സന്തോഷത്തോടെ വിരമിക്കാമെന്നും പിന്നെ ഫുട്ബോളിൽ നിന്ന് തനിക്കൊന്നും ലഭിക്കാനില്ലെന്നുമായിരുന്നു ഡി പ്രസ്താവിച്ചത്. ഇപ്പോഴിതാ മെസ്സി പിഎസ്ജിയിലേക്ക് വരുമെന്ന കാര്യത്തിൽ ഒരിക്കൽ സംസാരിച്ചിരിക്കുകയാണ് താരം. മെസ്സി പിഎസ്ജിയിലേക്ക് വരാൻ തന്നെയാണ് സാധ്യതകൾ നിലനിൽക്കുന്നത് എന്നാണ് ഡിമരിയ ആവർത്തിച്ചു പറഞ്ഞിരിക്കുന്നത്.കഴിഞ്ഞ ദിവസത്തെ മത്സരത്തിന് ശേഷം മാധ്യമങ്ങളോട് സംസാരിക്കുകയായിരുന്നു ഡിമരിയ.

” എന്റെ പിഎസ്ജിയുമായുള്ള കരാർ പുതുക്കാനാവുമെന്നാണ് ഞാൻ പ്രതീക്ഷിക്കുന്നത്.ഞാൻ പിഎസ്ജിയിൽ സന്തോഷവാനാണ്.മെസ്സിക്കൊപ്പം കളിക്കാനാവുമെന്ന് ഞാൻ പ്രതീക്ഷിക്കുന്നു.മെസ്സി പിഎസ്ജിയിലെത്താൻ വലിയൊരു സാധ്യത തന്നെ നിലനിൽക്കുന്നുണ്ട്.ഞാൻ ഏതായാലും ശാന്തത പാലിച്ച് മുന്നോട്ട് പോവേണ്ടിയിരിക്കുന്നു.ഞാൻ എന്നെ കുറിച്ചും പാരീസിൽ തുടരുന്നതിനെ കുറിച്ചും ചിന്തിക്കേണ്ടിയിരിക്കുന്നു.കാരണം ഞാൻ ഇവിടെ വളരെയധികം സന്തുഷ്ടനാണ് ” ഡിമരിയ പറഞ്ഞു.