മെസ്സിയൊരു ജീനിയസ്, മറ്റുള്ളവരിൽ നിന്നും വ്യത്യസ്തൻ : കാപ്പെല്ലോ!

സൂപ്പർ താരം ലയണൽ മെസ്സിയോടുള്ള ഇഷ്ടം ഒരിക്കൽ കൂടി തുറന്നു പറഞ്ഞ് മുൻ യുവന്റസ് താരമായ ഫാബിയോ കാപ്പെല്ലോ. കഴിഞ്ഞ ദിവസം സ്കൈ സ്പോർട്സിനോട് സംസാരിക്കുന്ന വേളയിലാണ് ഇദ്ദേഹം മെസ്സിയെ പ്രശംസിച്ചത്. മെസ്സിയൊരു ജീനിയസാണെന്നും മാർക്കിഞ്ഞോസും നവാസും കൂടി ചേർന്നിട്ട് മാത്രമാണ് അദ്ദേഹത്തെ പിടിച്ചു കെട്ടാനായതെന്നും അദ്ദേഹം അറിയിച്ചു. ക്രിസ്റ്റ്യാനോയെ പോലുള്ളവർ ബാലൺ ഡിയോർ നേടിയിട്ടുണ്ടാവാമെന്നും എന്നാൽ മെസ്സി എല്ലാവരിൽ നിന്നും വ്യത്യസ്ഥനാണെന്നും ഇദ്ദേഹം കൂട്ടിച്ചേർത്തു. കഴിഞ്ഞ ദിവസം പിഎസ്ജിയോട് സമനില വഴങ്ങി ബാഴ്സ പുറത്തായിരുന്നു. ഈ മത്സരത്തിലെ മെസ്സിയുടെ പ്രകടനത്തെ കുറിച്ച് സംസാരിക്കുകയായിരുന്നു ഇദ്ദേഹം.

” മാർക്കിഞ്ഞോസും ഗോൾകീപ്പറും ചേർന്ന് തടഞ്ഞ ഒരു പ്രതിഭയാണ് മെസ്സി.കഴിഞ്ഞ മത്സരത്തിൽ അതാണ് കാണാൻ സാധിച്ചത്.ഒരു വ്യത്യസ്ഥനായ ഫുട്ബോൾ താരമാണ് മെസ്സി.മറ്റുള്ളവരേക്കാൾ പലതും തനിക്കുണ്ടെന്ന് മെസ്സി ഒരിക്കൽ കൂടി തെളിയിച്ചു കഴിഞ്ഞു.ഒരു യഥാർത്ഥ ജീനിയസാണ് മെസ്സി.ഒരുപക്ഷെ മറ്റുള്ളവർ ബാലൺ ഡിയോർ ഒക്കെ നേടുന്നുണ്ടാവാം.ക്രിസ്റ്റ്യാനോ റൊണാൾഡോ ബാലൺ ഡിയോറുകൾ നേടിയിട്ടുണ്ട്.പക്ഷെ മെസ്സി ഇതിൽ നിന്നൊക്കെ വ്യത്യസ്ഥമാണ്.കാരണം അസാധാരണമായ ഒരു ക്വാളിറ്റി അദ്ദേഹത്തിനുണ്ട്.പലർക്കും ചിന്തിക്കാൻ പോലുമാവാത്ത കാര്യങ്ങൾ ചെയ്യാൻ കെൽപ്പുള്ള താരമാണ് അദ്ദേഹം.അദ്ദേഹം തന്റെ കാലുകളെ കൈകൾ ഉപയോഗിക്കുന്നത് പോലെ അനായാസമായാണ് ഉപയോഗിക്കുന്നത്.ഈ കഴിഞ്ഞ മത്സരത്തിൽ മെസ്സിയുടെ ഒരു മികച്ച പ്രകടനമാണ് ഞാൻ കണ്ടത് ” കാപ്പെല്ലോ പറഞ്ഞു.