മെസ്സിയെ സൈൻ ചെയ്യാൻ താല്പര്യമില്ലാത്ത ക്ലബ് റയൽ മാഡ്രിഡാണെന്ന് ടോണി ക്രൂസ് !

സൂപ്പർ താരം ലയണൽ മെസ്സിയെ സൈൻ ചെയ്യാൻ താല്പര്യമില്ലാത്ത ക്ലബുകൾ ഫുട്ബോൾ ലോകത്ത് കുറവായിരിക്കും. ഏതൊരു ക്ലബും മെസ്സിയെ പോലെ ഒരു താരത്തെ കൊതിക്കും എന്നുള്ളത് സത്യമാണ്. എന്നാൽ മെസ്സിയെ ആവിശ്യമില്ലാത്തതും സൈൻ ചെയ്യാൻ താല്പര്യമില്ലാത്തതുമായ ക്ലബാണ് റയൽ മാഡ്രിഡെന്ന് ജർമ്മൻ താരം ടോണി ക്രൂസ്. കഴിഞ്ഞ ദിവസം ജർമ്മനിയുടെ മത്സരശേഷം മാധ്യമങ്ങളെ കാണുന്ന വേളയിലാണ് ക്രൂസ് ഇക്കാര്യങ്ങളെ പറ്റി സംസാരിച്ചത്. മെസ്സി റയൽ മാഡ്രിഡിലേക്ക് വരുമെന്ന് ഞാൻ ചിന്തിക്കുക പോലും ചെയ്യുന്നില്ല എന്നാണ് ക്രൂസ് പറഞ്ഞത്. മെസ്സിക്കും റയൽ മാഡ്രിഡ്‌ താല്പര്യമുണ്ടാവില്ലെന്നും ക്രൂസ് അറിയിച്ചു. അഭിമുഖത്തിൽ റയൽ പരിശീലകൻ സിദാനെ കുറിച്ച് മനസ്സ് തുറക്കാനും ക്രൂസ് മടിച്ചില്ല.

” ഞാനൊരിക്കലും മെസ്സി റയൽ മാഡ്രിഡിലേക്ക് വരുമെന്ന് ചിന്തിക്കുക പോലും ചെയ്യുന്നില്ല. മെസ്സിയാവട്ടെ റയൽ മാഡ്രിഡിലേക്ക് വരാൻ തയ്യാറാവുകയുമില്ല. പക്ഷെ രണ്ടുപേർക്കും ഈയൊരു കാര്യത്തിൽ ഒരേ തീരുമാനം ആയിരിക്കും. അതായത് റയൽ മാഡ്രിഡിന് മെസ്സിയെ ആവിശ്യമില്ല. അത്പോലെ തന്നെ മറുഭാഗത്ത് മെസ്സിക്ക് റയൽ മാഡ്രിഡിനെയും ആവിശ്യമില്ല. അത്കൊണ്ടാണ് മെസ്സി റയൽ മാഡ്രിഡിലേക്ക് വരില്ലെന്ന് ഞാൻ ഉറപ്പിച്ചു പറയുന്നത് ” ക്രൂസ് പറഞ്ഞു. ” എന്നെ മികച്ച താരമാവാൻ ഏറെ സഹായിച്ചത് സിദാൻ ആണ്. ഓരോ റയൽ മാഡ്രിഡ്‌ താരത്തിനും എന്താണ് ആവിശ്യം എന്നുള്ളത് അദ്ദേഹത്തിന് കൃത്യമായി അറിയാം. ഒരു ടീമിനെ എങ്ങനെ നിയന്ത്രിക്കണം എന്ന് അദ്ദേഹത്തിന് അറിയാം. എന്നെ സംബന്ധിച്ചെടുത്തോളും അദ്ദേഹം ഏറ്റവും മികച്ച പരിശീലകനാണ് ” ക്രൂസ് സിദാനെ കുറിച്ച് പറഞ്ഞു.