മെസ്സിയും ആൽബയുമില്ല, എയ്ബറിനെ നേരിടാനുള്ള ബാഴ്‌സ സ്‌ക്വാഡ് പ്രഖ്യാപിച്ചു !

ലാലിഗയിൽ ഇന്ന് നടക്കുന്ന എയ്ബറിനെതിരായ മത്സരത്തിനുള്ള സ്‌ക്വാഡ് പരിശീലകൻ റൊണാൾഡ് കൂമാൻ പുറത്ത് വിട്ടു. ഇരുപത് അംഗ സ്‌ക്വാഡ് ആണ് കൂമാൻ പുറത്ത് വിട്ടിട്ടുള്ളത്. സൂപ്പർ താരങ്ങളായ ലയണൽ മെസ്സി, ജോർദി ആൽബ എന്നിവർ സ്‌ക്വാഡിൽ ഇടം നേടിയിട്ടില്ല. പരിക്ക് മൂലമാണ് മെസ്സിയെ സ്‌ക്വാഡിൽ ഉൾപ്പെടുത്താത്തത്. താരത്തിന്റെ വലതുകാലിന്റെ ആങ്കിളിന് ചെറിയ ഇഞ്ചുറിയുണ്ട്.എന്നാൽ കഴിഞ്ഞ ദിവസം മെസ്സി ബാഴ്സലോണ നഗരത്തിൽ തിരിച്ചെത്തിയിട്ടുണ്ട്. അതേസമയം ജോർദി ആൽബക്കും കൂമാൻ വിശ്രമം നൽകിയിട്ടുണ്ട്. താരം തുടർച്ചയായ യെല്ലോ കാർഡുകൾ കണ്ടിരുന്നു. അത്‌ ഒഴിവാക്കാൻ വേണ്ടിയാണ് കൂമാൻ ഈ മത്സരത്തിൽ വിശ്രമം അനുവദിച്ചത്. അതേസമയം സൂപ്പർ താരം ഉസ്മാൻ ഡെംബലെ തിരികെ സ്‌ക്വാഡിൽ ഇടം നേടിയിട്ടുണ്ട്. ഇന്ന് രാത്രി ഇന്ത്യൻ സമയം 11:45-നാണ് മത്സരം നടക്കുക. ബാഴ്‌സയുടെ മൈതാനമായ ക്യാമ്പ് നൗവിൽ വെച്ചാണ് മത്സരം നടക്കുക. സ്‌ക്വാഡ് താഴെ നൽകുന്നു.

1. Ter Stegen
2. Sergiño Dest
3. Ronald Araújo
4. Busquets
5. Aleñá
6. Griezmann
7. Pjanic
8. Braithwaite
9. Dembélé
10. Riqui Puig
11. Neto
12. Coutinho
13. Lenglet
14. Pedri
15. Trincao
16. Matheus
17. De Jong
18. Umtiti
19. Junior Firpo
20. Iñaki Peña