ബാലൺഡി’ഓർ നേടുമെന്ന് വിനീഷ്യസ് പറഞ്ഞിട്ടില്ല :റാഫിഞ്ഞ

കഴിഞ്ഞ എൽ ക്ലാസിക്കോ മത്സരത്തിൽ ഒരു വലിയ തോൽവിയാണ് റയൽ മാഡ്രിഡിന് സ്വന്തം മൈതാനത്ത് ഏറ്റുവാങ്ങേണ്ടി വന്നത്. എതിരല്ലാത്ത നാല് ഗോളുകൾക്കാണ് ബാഴ്സ അവരെ പരാജയപ്പെടുത്തിയത്. ബ്രസീലിയൻ സൂപ്പർ താരമായ റാഫീഞ്ഞ മത്സരത്തിൽ ബാഴ്സക്ക് വേണ്ടി തിളങ്ങിയിരുന്നു. അതേസമയം മറ്റൊരു ബ്രസീലിയൻ സൂപ്പർ താരമായ വിനീഷ്യസിന് റയലിന് വേണ്ടി തിളങ്ങാൻ കഴിഞ്ഞിരുന്നില്ല.

വിനിക്ക് ബാലൺഡി’ഓർ ലഭിച്ചില്ല എന്നത് ഫുട്ബോൾ ലോകത്ത് വലിയ ഞെട്ടൽ ഉണ്ടാക്കിയിട്ടുണ്ട്.എൽ ക്ലാസിക്കോക്കിടയിൽ വിനീഷ്യസ് ബാലൺഡി’ഓറിനെ കുറിച്ച് സംസാരിച്ചിരുന്നുവോ എന്ന് റാഫിഞ്ഞയോട് ചോദിക്കപ്പെട്ടിരുന്നു. അങ്ങനെ ഒന്നും തന്നെ അദ്ദേഹം തന്നോട് പറഞ്ഞിട്ടില്ല എന്നാണ് റാഫിഞ്ഞ പറഞ്ഞിട്ടുള്ളത്.അദ്ദേഹത്തിന്റെ വാക്കുകൾ ഇങ്ങനെയാണ്.

“വിനീഷ്യസ് ബാലൺഡി’ഓർ നേടുമെന്ന് എന്നോട് പറഞ്ഞിട്ടില്ല.മത്സരശേഷം ഞങ്ങൾ സംസാരിച്ചിരുന്നു. പക്ഷേ മറ്റുകാര്യങ്ങളെ കുറിച്ച് മാത്രമാണ് സംസാരിച്ചിട്ടുള്ളത്.24 മണിക്കൂറും ഫുട്ബോളുമായി ബന്ധപ്പെട്ട് പ്രവർത്തിക്കുന്നവരാണ് ഞങ്ങൾ.ഞങ്ങൾ കണ്ടുമുട്ടുന്ന സമയത്ത് കുടുംബത്തെക്കുറിച്ചും മറ്റു കാര്യങ്ങളെക്കുറിച്ചും ആണ് സംസാരിക്കാറുള്ളത് ” ഇതാണ് റാഫിഞ്ഞ പറഞ്ഞിട്ടുള്ളത്.

ഏതായാലും വിനി രണ്ടാം സ്ഥാനത്തേക്ക് പിന്തള്ളപ്പെട്ടത് ഫുട്ബോൾ ലോകത്ത് വലിയ വിവാദങ്ങൾക്ക് കാരണമായിരുന്നു. താരം വലിയ നിരാശയിലാണ് എന്നാണ് റിപ്പോർട്ടുകൾ ചൂണ്ടിക്കാണിക്കുന്നത്.