നെയ്മർ ബാഴ്സയിലെത്തുമോ? : ബർതോമ്യു പറയുന്നു

FC ബാഴ്സലോണയിൽ വൻ അഴിച്ചുപണി നടക്കുകയാണ്. അതിൻ്റെ ഭാഗമായി അവർ പരിശീലകനെയും സ്പോർട്ടിംഗ് ഡയറക്ടറെയും എല്ലാം മാറ്റിക്കഴിഞ്ഞു. ഇനി താരങ്ങളുടെ കാര്യത്തിലാണ് തീരുമാനങ്ങൾ വരേണ്ടത്. നെയ്മറും ലൗറ്ററോ മാർട്ടീനസും ഈ സമ്മർ ട്രാൻസ്ഫർ വിൻ്റോയിൽ ബാഴ്സയിലെത്തിയേക്കും എന്ന റൂമറുകൾ പരക്കാൻ തുടങ്ങിയിട്ട് നാളുകൾ ഏറെയായി. ഇതിനോട് വ്യക്തമായി പ്രതികരിച്ചിരിക്കുകയാണിപ്പോൾ ക്ലബ്ബിൻ്റെ പ്രസിഡൻ്റ് ജോസപ് മരിയ ബർതോമ്യു.

ബാഴ്സ ടി.വിയുമായുള്ള അഭിമുഖത്തിൽ ബർതോമ്യു പറഞ്ഞതിങ്ങനെ: ”നെയ്മർ ബാഴ്സയിലേക്ക് വരുമോ എന്ന ചോദ്യത്തിനുത്തരം PSG അദ്ദേഹത്തെ ഈ സമ്മറിൽ വിൽക്കാൻ ഉദ്ദേശിക്കുന്നില്ല എന്നതാണ്. ലൗറ്ററോ മാർട്ടീനസിൻ്റെ കാര്യത്തിൽ ഇപ്പോൾ ഇൻ്റർ മിലാനുമായി ചർച്ചകൾ ഒന്നും നടക്കുന്നില്ല. ജൂൺ മാസം അവസാനത്തോടെ ഇക്കാര്യത്തിലുള്ള നെഗോസിയേഷനുകൾ നിർത്തി വെച്ചതാണ്. ഇനി എന്ത് സംഭവിക്കുമെന്ന് നമുക്ക് കാത്തിരുന്ന് കാണാം”. ഏതായാലും ചാമ്പ്യൻസ് ലീഗിൽ ബയേൺ മ്യൂണിക്കിൽ നിന്നും ഏറ്റ കനത്ത പരാജയം ബാഴ്സയിൽ വലിയ മാറ്റങ്ങൾക്കാണ് വഴിവെച്ചിരിക്കുന്നത്.