എന്നെ എന്ത്കൊണ്ട് കളിപ്പിക്കുന്നില്ല? അതൃപ്തനായി കൊണ്ട് പ്യാനിക്ക് ചോദിക്കുന്നു!

ഈ സമ്മർ ട്രാൻസ്ഫർ ജാലകത്തിലായിരുന്നു യുവന്റസിൽ നിന്ന് മിറലം പ്യാനിക്ക് എഫ്സി ബാഴ്സലോണയിൽ എത്തിയത്. എന്നാൽ താരത്തിന് വേണ്ട വിധത്തിലുള്ള അവസരങ്ങൾ കൂമാൻ നൽകിയിരുന്നില്ല. കഴിഞ്ഞ മത്സരത്തിൽ മോറിബയെയും റിക്കി പുജിനെയും കളിപ്പിച്ചപ്പോൾ കൂമാൻ പ്യാനിക്കിനെ തഴയുകയായിരുന്നു. ഇതിലിപ്പോൾ അതൃപ്തി അറിയിച്ചിരിക്കുകയാണ് പ്യാനിക്ക്. എന്ത് കൊണ്ടാണ് തന്നെ കളിപ്പിക്കാത്തത് എന്നാണ് പ്യാനിക്ക് കഴിഞ്ഞ ദിവസം ചോദ്യമുന്നയിച്ചത്. മുമ്പും തന്നെ കളിപ്പിക്കാത്തതിൽ ബാഴ്സക്കെതിരെ പ്യാനിക്ക് വിമർശനമുയർത്തിയിരുന്നു.

” ഞാൻ പ്രതീക്ഷിക്കുന്ന സമയമത്രയും കളിക്കാൻ എനിക്ക് അവസരങ്ങൾ ലഭിക്കാത്തത് എന്തുകൊണ്ടാണ് എന്ന വ്യക്തമായ കാരണം എനിക്കിത് വരെ ലഭിച്ചിട്ടില്ല.ഞാൻ നന്നായി വർക്ക്‌ ചെയ്യുന്നുണ്ട്. എനിക്ക് അംഗീകരിക്കാനാവാത്ത പരിശീലകന്റെ തീരുമാനങ്ങളെ ഞാൻ ബഹുമാനിക്കുകയും ചെയ്യുന്നു.ഞാൻ ഈ ക്ലബ്ബിൽ എന്തെങ്കിലും അടയാളങ്ങൾ രേഖപ്പെടുത്താൻ ആഗ്രഹിക്കുന്നു. അത്കൊണ്ട് തന്നെ എനിക്ക് കളിക്കാൻ അവസരങ്ങൾ ലഭിക്കേണ്ടതുണ്ട് ” പ്യാനിക്ക് ടെലിഫൂട്ടിനോട് പറഞ്ഞു.