എന്തിനാണിത്ര സംശയം? ക്രിസ്റ്റ്യാനോയേക്കാൾ മികച്ചവൻ മെസ്സി തന്നെ:പെഡ്രി

സൂപ്പർ താരം ലയണൽ മെസ്സിക്കൊപ്പം ബാഴ്സലോണയിൽ വെച്ച് കളിച്ചിട്ടുള്ള യുവ പ്രതിഭയാണ് പെഡ്രി.പിന്നീട് ലയണൽ മെസ്സി ബാഴ്സ വിടുകയായിരുന്നു.പെഡ്രി ഇപ്പോഴും ബാഴ്സലോണയുടെ നിർണായക താരമാണ്. പക്ഷേ തുടർച്ചയായി ഏൽക്കേണ്ടി വരുന്ന പരിക്കുകൾ അദ്ദേഹത്തിന് വലിയ തിരിച്ചടിയാണ് ഇപ്പോൾ ഏൽപ്പിച്ചു കൊണ്ടിരിക്കുന്നത്.

21കാരനായ താരം ദി റസിഡൻസി എന്ന മാധ്യമത്തിന് അഭിമുഖം നൽകിയിരുന്നു.GOAT അഥവാ ചരിത്രത്തിലെ എക്കാലത്തെയും മികച്ച താരം ആരാണ് എന്ന് പെഡ്രിയോട് ചോദിക്കപ്പെട്ടിരുന്നു. തന്റെ സഹതാരമായ ലയണൽ മെസ്സിയെ തന്നെയാണ് അദ്ദേഹം തിരഞ്ഞെടുത്തിട്ടുള്ളത്. എന്നാൽ മെസ്സിയുടെ എതിരാളിയായ ക്രിസ്റ്റ്യാനോ റൊണാൾഡോയെ പരാമർശിക്കാൻ അദ്ദേഹം മറന്നിട്ടില്ല.

” ഒരു സംശയവും കൂടാതെ പറയാൻ സാധിക്കും,ലയണൽ മെസ്സി തന്നെയാണ് ചരിത്രത്തിലെ എക്കാലത്തെയും മികച്ച താരം, പക്ഷേ ക്രിസ്റ്റ്യാനോ റൊണാൾഡോ ഒരു ഗ്രേറ്റ് ആയിട്ടുള്ള കാര്യമാണ് ” ഇതാണ് പെഡ്രി ആ ചോദ്യത്തിന് മറുപടി നൽകിയിട്ടുള്ളത്.

മാത്രമല്ല 10 വർഷത്തിനുശേഷം നിങ്ങൾ എങ്ങനെയായിരിക്കും എന്നുള്ള ഒരു ചോദ്യവും പെഡ്രിയോട് ചോദിക്കപ്പെട്ടിരുന്നു.രസകരമായ ഒരു മറുപടിയാണ് അദ്ദേഹം നൽകിയിട്ടുള്ളത്.ഒരു ഫുട്ബോൾ താരം തന്നെയായിരിക്കും,കൂടാതെ കഷണ്ടിത്തലയനുമായിരിക്കും, എപ്പോഴും മൊട്ടത്തലയനാവാൻ ആഗ്രഹിക്കുന്ന ഒരു വ്യക്തിയാണ് ഞാൻ എന്നാണ് പെഡ്രി ഇതിന് മറുപടി നൽകിയിട്ടുള്ളത്.തന്റെ റോൾ മോഡലായ ആൻഡ്രസ് ഇനിയേസ്റ്റയെ പോലെ ആവാനാണ് അദ്ദേഹം ആഗ്രഹിക്കുന്നത്.

ഏതായാലും നിലവിൽ പെഡ്രി ട്രെയിനിങ് ആരംഭിച്ചിട്ടുണ്ട്.പിഎസ്ജിക്കെതിരെയുള്ള ചാമ്പ്യൻസ് ലീഗ് മത്സരത്തിൽ അദ്ദേഹത്തെ കളിപ്പിക്കാൻ കഴിയും എന്നുള്ള ഒരു പ്രതീക്ഷയിൽ ആണ് നിലവിൽ ബാഴ്സലോണുള്ളത്.