എംബപ്പേയോ വിനീഷ്യസോ? ഈ സീസണിൽ ആരാണ് മികച്ചത്? കണക്കുകൾ ഇങ്ങനെ!

ഈ സീസണിൽ മിന്നും ഫോമിൽ കളിച്ചു കൊണ്ടിരിക്കുന്ന രണ്ടു യുവസൂപ്പർ താരങ്ങളാണ് കിലിയൻ എംബപ്പേയും വിനീഷ്യസ് ജൂനിയറും. എംബപ്പേ കഴിഞ്ഞ കുറച്ചു സീസൺകളിലായി സ്ഥിരതയാർന്ന പ്രകടനം കാഴ്ച്ചവെക്കുമ്പോൾ വിനീഷ്യസ് ജൂനിയർ ഈ സീസണിലാണ് ഫോം കണ്ടെത്തിയത്.ഏതായാലും ഈ താരങ്ങളിൽ ആരാണ് ഈ സീസണിൽ കൂടുതൽ മികവ് പുലർത്തിയത് എന്ന് നോക്കാം.

വിനീഷ്യസ് ജൂനിയർ ഈ സീസണിൽ ആകെ 9 ഗോളുകളാണ് നേടിയിട്ടുള്ളത്. ഇതിൽ 7 എണ്ണം ലാലിഗയിലും 2 എണ്ണം ചാമ്പ്യൻസ് ലീഗിലുമാണ്. 3 അസിസ്റ്റുകളും ഈ ബ്രസീലിയൻ താരം നേടി. അതായത് ആകെ 12 ഗോൾപങ്കാളിത്തം വഹിച്ചു കഴിഞ്ഞു.പാസിങ് അക്യുറസി 85% ആണ്.

അതേസമയം എംബപ്പേയുടെ കാര്യത്തിലേക്ക് വന്നാൽ 6 ഗോളുകളാണ് എംബപ്പേ നേടിയിട്ടുള്ളത്. ഇതിൽ 5 ഗോൾ ലീഗ് വണ്ണിലും 1 ഗോൾ ചാമ്പ്യൻസ് ലീഗിലുമാണ്.6 അസിസ്റ്റുകളും നേടി. അതായത് ആകെ 12 ഗോളുകളിൽ പങ്കാളിത്തം വഹിച്ചു.പാസിങ് അക്യുറസി 83.5 ആണ്.

അതായത് രണ്ടു പേരുടെയും കണക്കുകൾ തുല്യമാണ്.അത്കൊണ്ട് തന്നെ ഈ കണക്കുകൾ പ്രകാരം ആരാണ് മികച്ചത് എന്ന് തിരഞ്ഞെടുക്കൽ അസാധ്യമാണ് എന്നാണ് സ്പാനിഷ് മാധ്യമമായ മാർക്കയുടെ നിഗമനം. അതേസമയം ഈ സീസണിൽ ഏറ്റവും കൂടുതൽ ഇമ്പ്രൂവ് ആയ താരം വിനീഷ്യസ് ജൂനിയർ ആണെന്നും മാർക്ക കൂട്ടിച്ചേർക്കുന്നുണ്ട്.

എംബപ്പേയെ ടീമിലെത്തിക്കാനുള്ള ശ്രമത്തിലാണ് റയൽ. എംബപ്പേയോടൊപ്പം കളിക്കുക എന്നുള്ളത് തന്റെ സ്വപ്നമാണെന്ന് ഈയിടെ വിനീഷ്യസ് ജൂനിയർ അറിയിക്കുകയും ചെയ്തിരുന്നു.