എംബപ്പെ റയലിൽ എത്തുമോ? പെരസ് പറയുന്നു!

ലാലീഗയിൽ നടന്ന കഴിഞ്ഞ മത്സരത്തിൽ എതിരില്ലാത്ത നാലു ഗോളുകൾക്കാണ് റയൽ മാഡ്രിഡ് എസ്പാന്യോളിനെ പരാജയപ്പെടുത്തിയത്.ഇതോട് കൂടി റയൽ മാഡ്രിഡ് ലീഗ് കിരീടം സ്വന്തമാക്കിയിരുന്നു.തങ്ങളുടെ 35-ആം ലീഗ് കിരീടമാണ് റയൽ മാഡ്രിഡ് ഇപ്പോൾ ഷെൽഫിൽ എത്തിച്ചത്.

ഈയൊരു കിരീട നേട്ടത്തിൽ റയലിന്റെ ഫ്ലോറെന്റിനോ പെരസ് സന്തോഷം പ്രകടിപ്പിച്ചിട്ടുണ്ട്.കൂടാതെ ചാമ്പ്യൻസ് ലീഗ് കിരീടമാണ് അടുത്ത ലക്ഷ്യമെന്നും പെരസ് പറഞ്ഞിട്ടുണ്ട്. അദ്ദേഹത്തിന്റെ വാക്കുകളെ മാർക്ക റിപ്പോർട്ട്‌ ചെയ്യുന്നത് ഇങ്ങനെയാണ്.

” ഓരോ റയൽ ആരാധകന്റെയും അനുഭൂതി എന്താണോ അതുതന്നെയാണ് എനിക്കിപ്പോൾ ഉള്ളത്. ഒരുപാട് സംതൃപ്തി തോന്നുന്നുണ്ട്. ലാലിഗ കിരീടവും ചാമ്പ്യൻസ് ലീഗ് കിരീടവും നേടുക എന്നുള്ളതായിരുന്നു ഞങ്ങളുടെ ലക്ഷ്യം.അതിൽ ലീഗ് കിരീടം നേടി കഴിഞ്ഞു. ഇനി ചാമ്പ്യൻസ് ലീഗ് എന്താവുമെന്ന് നോക്കാം ” ഇതാണ് പെരസ് പറഞ്ഞിട്ടുള്ളത്.

അതേസമയം സൂപ്പർ താരം കിലിയൻ എംബപ്പെ ഈ വരുന്ന സമ്മറിൽ റയലിൽ എത്തുമെന്ന അഭ്യൂഹങ്ങൾ വളരെ സജീവമാണ്. അത് സത്യമാണോ എന്നുള്ള ചോദ്യത്തിന് പെരസ് മറുപടി നൽകിയത് ഇങ്ങനെയാണ്.

” ഞാൻ അതിനെക്കുറിച്ച് ചിന്തിച്ചിട്ടില്ല. പക്ഷേ നിങ്ങൾ ഇപ്പോൾ പരാമർശിച്ചത് കൊണ്ട് അതൊരുപക്ഷെ സത്യമായേക്കാം.അടുത്ത സീസണിലേക്കുള്ള സ്‌ക്വാഡിനെ പ്ലാൻ ചെയ്യുന്ന സമയത്ത് നമുക്ക് ഇതേ കുറിച്ച് നോക്കാം ” ഇതാണ് പെരസ് പറഞ്ഞിട്ടുള്ളത്.

എംബപ്പെയുടെ കരാർ അവസാനിക്കാൻ ഇനി മാസങ്ങൾ മാത്രമാണ് അവശേഷിക്കുന്നത്. താരം ഇതുവരെ ഒരു തീരുമാനം എടുക്കാത്തത് റയലിനും പിഎസ്ജിക്കും ആശയക്കുഴപ്പമുണ്ടാക്കുന്ന ഒരു കാര്യമാണ്.