അർജന്റൈൻ സൂപ്പർ താരം ഇനി ലാലിഗ ചാമ്പ്യൻമാർക്കൊപ്പം!

കോപ്പ അമേരിക്ക ജേതാക്കളായ അർജന്റീനയുടെ മധ്യനിര താരമായ റോഡ്രിഗോ ഡി പോളിനെ ലാലിഗ ചാമ്പ്യൻമാരായ അത്ലറ്റിക്കോ മാഡ്രിഡ്‌ സൈൻ ചെയ്തു. ഇക്കാര്യം ഇന്നലെയാണ് അത്ലറ്റിക്കോ അറിയിച്ചത്.അഞ്ച് വർഷത്തെ കരാറിലാണ് താരം ഒപ്പ് വെച്ചിരിക്കുന്നത്.അത്ലറ്റിക്കോയുടെ പരിശീലകനായ സിമയോണി താരത്തെ കൺവിൻസ് ചെയ്യിക്കുകയായിരുന്നു.ആഴ്ച്ചകൾക്ക് മുന്നേ തന്നെ താരവും ക്ലബും ധാരണയിൽ എത്തിയിരുന്നുവെങ്കിലും ഔദ്യോഗികമായി പ്രഖ്യാപിക്കാൻ കോപ്പ കഴിയുന്നത് വരെ അത്ലറ്റിക്കോ കാത്തിരിക്കുകയായിരുന്നു.

ഈ കഴിഞ്ഞ കോപ്പ അമേരിക്കയിലും കഴിഞ്ഞ സിരി എയിലും മികച്ച പ്രകടനമായിരുന്നു ഡി പോൾ നടത്തിയിരുന്നത്.ഒമ്പത് ഗോളുകളും പത്ത് അസിസ്റ്റുകളും താരം സിരി എയിൽ നേടിയിരുന്നു. താരത്തിന്റെ വരവ് അത്ലറ്റിക്കോ പുതിയ ഊർജ്ജം നൽകും. അർജന്റൈൻ സഹതാരമായ കൊറേയ അത്ലറ്റിക്കോക്ക്‌ വേണ്ടി കളിക്കുന്ന താരമാണ്.ലുകാസ് ടോറെയ്റ,കൊണ്ടോഗ്ബിയ,ഹെക്ടർ ഹെരേര എന്നിവരുമായി താരം സ്ഥാനത്തിന് വേണ്ടി മത്സരിക്കേണ്ടി വരും