അസാധ്യം: മെസ്സിയെക്കുറിച്ച് ഡെസ്റ്റ് പറയുന്നു!

ഡച്ച് സൂപ്പർ താരമായ സെർജിനോ ഡെസ്റ്റ് നിലവിൽ ഡച്ച് ക്ലബ്ബായ പിഎസ്‌വിക്ക് വേണ്ടിയാണ് കളിച്ചുകൊണ്ടിരിക്കുന്നത്. തകർപ്പൻ പ്രകടനം അവിടെ ഇപ്പോൾ നടത്താൻ ഈയൊരു പ്രതിരോധനിര താരത്തിന് സാധിക്കുന്നുണ്ട്.ഡച്ച് ലീഗിൽ ഒന്നാം സ്ഥാനത്താണ് ഇപ്പോൾ പിഎസ്‌വി ഉള്ളത്.ലീഗിൽ ആകെ കളിച്ച പതിനാറ് മത്സരങ്ങളിലും അവർ വിജയിച്ചിട്ടുണ്ട്. ഈ വിജയങ്ങളിൽ പലപ്പോഴും വലിയ പങ്കുവഹിക്കാൻ ഡെസ്റ്റിന് സാധിച്ചിട്ടുണ്ട്.

ലോൺ അടിസ്ഥാനത്തിലാണ് ഇദ്ദേഹം ഇപ്പോൾ നെതർലാന്റ്സിൽ കളിച്ചുകൊണ്ടിരിക്കുന്നത്.നേരത്തെ ഇദ്ദേഹം ബാഴ്സലോണക്ക് വേണ്ടി കളിച്ചിട്ടുണ്ട്.2020ൽ ലയണൽ മെസ്സിക്കൊപ്പം കളിക്കാനുള്ള അവസരം ഡെസ്റ്റിന് ലഭിക്കുകയും ചെയ്തിട്ടുണ്ട്. മെസ്സിയെക്കുറിച്ച് ചില കാര്യങ്ങൾ ഇപ്പോൾ താരം പറഞ്ഞിട്ടുണ്ട്.മെസ്സി ചെയ്യുന്ന കാര്യങ്ങൾ ചെയ്യുക എന്നത് അസാധ്യമാണെന്നും എന്നാൽ മെസ്സിയിൽ നിന്ന് തനിക്ക് ഒരുപാട് കാര്യങ്ങൾ പഠിക്കാൻ കഴിഞ്ഞു എന്നുമാണ് ഡെസ്റ്റ് പറഞ്ഞിട്ടുള്ളത്.അദ്ദേഹത്തിന്റെ വാക്കുകൾ ഇങ്ങനെയാണ്.

” ഒരു വർഷം ലയണൽ മെസ്സിക്കൊപ്പം ഞാൻ കളിച്ചിട്ടുണ്ട്. ലയണൽ മെസ്സി ചെയ്യുന്ന കാര്യങ്ങൾ ചെയ്യുക എന്നത് നമ്മളെ സംബന്ധിച്ചിടത്തോളം അസാധ്യമായ കാര്യമാണ്. എന്നിരുന്നാൽ പോലും അദ്ദേഹത്തെ ഞാൻ ഒരുപാട് വീക്ഷിക്കുമായിരുന്നു.അതുകൊണ്ടുതന്നെ അദ്ദേഹത്തിൽ നിന്ന് ഒരുപാട് കാര്യങ്ങൾ എനിക്ക് പഠിക്കാൻ സാധിച്ചിട്ടുണ്ട് ” ഇതാണ് ഡെസ്റ്റ് പറഞ്ഞിട്ടുള്ളത്.

കഴിഞ്ഞ സീസണിൽ ലോൺ അടിസ്ഥാനത്തിൽ ഇദ്ദേഹം ഇറ്റാലിയൻ വമ്പൻമാരായ എസി മിലാനു വേണ്ടിയായിരുന്നു കളിച്ചിരുന്നത്.താരത്തെ തിരികെ എത്തിക്കാനുള്ള അവസരം ബാഴ്സലോണയെ കാത്തിരിക്കുന്നുണ്ട്. അത് ബാഴ്സ ഉപയോഗപ്പെടുത്തുമോ എന്നത് കണ്ടറിയേണ്ട കാര്യമാണ്. അദ്ദേഹത്തിന്റെ മികച്ച ഫോം പരിഗണിച്ചുകൊണ്ട് ബാഴ്സ തിരികെ എത്തിക്കാൻ സാധ്യതയുണ്ട്.