അരൗഹോ രക്ഷകനായി, തോൽവിയിൽ നിന്നും തടിതപ്പി ബാഴ്‌സ!

ഇന്നലെ ലാലിഗയിൽ നടന്ന മത്സരത്തിൽ കരുത്തരായ ബാഴ്‌സക്ക്‌ സമനിലകുരുക്ക്.ഗ്രനാഡയാണ് ബാഴ്‌സയെ 1-1 എന്ന സ്‌കോറിൽ തളച്ചത്.മത്സരത്തിന്റെ 90-ആം മിനുട്ടിൽ ഡിഫൻഡർ റൊണാൾഡ് അരൗഹോ നേടിയ ഗോളാണ് ബാഴ്‌സയെ അട്ടിമറി തോൽവിയിൽ നിന്നും രക്ഷിച്ചത്.സമനിലയോടെ ബാഴ്‌സ പോയിന്റ് ടേബിളിൽ ഏഴാം സ്ഥാനത്തേക്ക് പിന്തള്ളപ്പെട്ടു.നാല് മത്സരങ്ങളിൽ നിന്ന് രണ്ട് വിജയവും രണ്ട് സമനിലയുമുള്ള ബാഴ്‌സയുടെ പോയിന്റ് സമ്പാദ്യം എട്ടാണ്.

മെംഫിസ് ഡീപേ, ഡെമിർ, കൂട്ടീഞ്ഞോ എന്നിവരായിരുന്നു ബാഴ്‌സയുടെ മുന്നേറ്റനിരയിൽ ഉണ്ടായിരുന്നത്. എന്നാൽ 2-ആം മിനുട്ടിൽ തന്നെ ഡോർട്ടെയിലൂടെ ഗ്രനാഡ ലീഡ് നേടി.ഈ ഗോളിന് മറുപടി നൽകാനുള്ള ബാഴ്‌സ ശ്രമങ്ങൾ തുടരുകയായിരുന്നു.ഒടുവിൽ 90-ആം മിനുട്ടിലാണ് ബാഴ്‌സ സമനില ഗോൾ നേടിയത്.പാബ്ലോ ഗവിറയുടെ അസിസ്റ്റിൽ നിന്നാണ് അരൗഹോ വല കുലുക്കിയത്. ഇതോടെ ബാഴ്‌സ തോൽവിയിൽ നിന്നും ബാഴ്‌സ രക്ഷപ്പെടുകയായിരുന്നു.