അന്ന് കാസമിറോയാണ് എന്നെ സപ്പോർട്ട് ചെയ്തത്: ഫെഡെ വാൽവെർദെ

ഒരുപാട് കാലം റയൽ മാഡ്രിഡിന്റെ ഡിഫൻസീവ് മിഡ്ഫീൽഡർ പൊസിഷനിൽ കളിച്ച ബ്രസീലിയൻ സൂപ്പർ താരമാണ് കാസമിറോ. 2013 മുതൽ 2022 വരെ അദ്ദേഹം റയൽ മാഡ്രിഡിന്റെ ഭാഗമായിരുന്നു.പിന്നീടാണ് അദ്ദേഹം മാഞ്ചസ്റ്റർ യുണൈറ്റഡ്ലേക്ക് പോയത്.റയലിനോടൊപ്പം നിരവധി കിരീടങ്ങളും നേട്ടങ്ങളും സ്വന്തമാക്കാൻ അദ്ദേഹത്തിന് കഴിഞ്ഞിട്ടുണ്ട്.

നിലവിൽ റയൽ മാഡ്രിഡിന്റെ മധ്യനിരയിൽ കളിച്ചുകൊണ്ടിരിക്കുന്ന താരമാണ് ഫെഡെ വാൽവെർദെ.2016ലായിരുന്നു ഇദ്ദേഹം റയൽ മാഡ്രിഡിൽ എത്തിയത്.2018 മുതലാണ് സീനിയർ ടീമിന് വേണ്ടി താരം കളിച്ചു തുടങ്ങിയത്. അന്ന് തന്നെ ഏറ്റവും കൂടുതൽ സപ്പോർട്ട് ചെയ്ത താരങ്ങളിൽ ഒരാൾ കാസമിറോയാണ് എന്നുള്ള കാര്യം വാൽവെർദെ ഇപ്പോൾ തുറന്ന് പറഞ്ഞിട്ടുണ്ട്.അദ്ദേഹത്തിന്റെ വാക്കുകൾ ഇങ്ങനെയാണ്.

” റയൽ മാഡ്രിഡിൽ എത്തിയ സമയത്ത് കാസമിറോയാണ് എന്നെ ഏറ്റവും കൂടുതൽ സപ്പോർട്ട് ചെയ്തിട്ടുള്ളത്.ഞങ്ങളുടെ ജഴ്സി നമ്പറുകൾ കാരണം ഡ്രസ്സിംഗ് റൂമിൽ ഞങ്ങൾ അടുത്തടുത്തായിരുന്നു. ഏതെങ്കിലും താരങ്ങൾക്ക് നിർദ്ദേശങ്ങൾ നൽകണമെങ്കിലോ അവരെ തിരുത്തണമെങ്കിലോ കാസമിറോക്ക് അങ്ങനെ അലറി വിളിക്കേണ്ട കാര്യം ഒന്നുമില്ല. വളരെ ഫ്രണ്ട്ലിയായ ഒരു വ്യക്തിയാണ് കാസമിറോ. വിമർശനങ്ങളോട് അദ്ദേഹം പൊരുത്തപ്പെടും ” ഇതാണ് വാൽവെർദെ പറഞ്ഞിട്ടുള്ളത്.

മാഞ്ചസ്റ്റർ യുണൈറ്റഡിൽ ഇടക്കാലത്ത് വളരെയധികം ബുദ്ധിമുട്ടേറിയ ഒരു സമയം കാസമിറോക്ക് ഉണ്ടായിരുന്നു. എന്നാൽ അതിനെയെല്ലാം തരണം ചെയ്യാൻ അദ്ദേഹത്തിന് സാധിക്കുന്നുണ്ട്.പക്ഷേ ബ്രസീലിയൻ ദേശീയ ടീമിലെ സ്ഥാനം അദ്ദേഹത്തിന് നഷ്ടമായിട്ടുണ്ട്. ബ്രസീൽ ടീമിലേക്ക് മടങ്ങിവരണമെങ്കിൽ അദ്ദേഹത്തിന് കൂടുതൽ മികച്ച പ്രകടനം പുറത്തെടുക്കേണ്ടതുണ്ട്.