ബാഴ്സക്ക് പുതിയ താരങ്ങളെ ഒന്നും ആവശ്യമില്ല:ഹാട്രിക്ക് ഹീറോ റാഫീഞ്ഞ പറയുന്നു!
ഇന്നലെ ലാലിഗയിൽ നടന്ന മത്സരത്തിൽ ഗംഭീര വിജയമാണ് ബാഴ്സലോണ സ്വന്തമാക്കിയിട്ടുള്ളത്. എതിരില്ലാത്ത ഏഴ് ഗോളുകൾക്കാണ് അവർ റയൽ വല്ലഡോലിഡിനെ പരാജയപ്പെടുത്തിയത്. മത്സരത്തിൽ ബാഴ്സ സർവ്വാധിപത്യം ആയിരുന്നു പുലർത്തിയിരുന്നത്.ഹാട്രിക്ക് നേടിയ റാഫീഞ്ഞയാണ് മത്സരത്തിൽ തിളങ്ങിയിട്ടുള്ളത്. ഇതിന് പുറമെ ഒരു അസിസ്റ്റും താരം സ്വന്തമാക്കിയിട്ടുണ്ട്.ലെവ ഒരു ഗോളും ഒരു അസിസ്റ്റം സ്വന്തമാക്കിയപ്പോൾ യമാൽ രണ്ട് അസിസ്റ്റുകൾ സ്വന്തമാക്കിയിട്ടുണ്ട്.
എല്ലാ താരങ്ങളും ഗംഭീര പ്രകടനം ആയിരുന്നു നടത്തിയിരുന്നത്.മാത്രമല്ല ലീഗിൽ കളിച്ച നാല് മത്സരങ്ങളിലും ബാഴ്സ വിജയിച്ചിട്ടുണ്ട്. ഈ മത്സരശേഷം റാഫീഞ്ഞ ചില കാര്യങ്ങൾ പറഞ്ഞിട്ടുണ്ട്. ബാഴ്സക്ക് പുതിയ സൈനിങ്ങുകൾ ഒന്നും ആവശ്യമില്ലെന്ന് ഇന്നത്തെ മത്സരം തെളിയിച്ചു എന്നാണ് അദ്ദേഹം അവകാശപ്പെട്ടിരിക്കുന്നത്.റാഫീഞ്ഞയുടെ വാക്കുകൾ ഇങ്ങനെയാണ്.
‘ ബാഴ്സയിലേക്ക് പുതിയ താരങ്ങൾ ഇനി വരേണ്ടതില്ല എന്നുള്ളത് ഇന്നത്തെ മത്സരത്തിലൂടെ തെളിഞ്ഞു കഴിഞ്ഞു.ഞങ്ങൾ ഇപ്പോൾ മികച്ച ഫോമിലാണ് ഉള്ളത്. മത്സരങ്ങളിലും ട്രെയിനിങ്ങുകളിലും ടീം എല്ലാം നൽകുന്നു. ഞങ്ങൾ നന്നായി വർക്ക് ചെയ്യുന്നു എന്നുള്ളതിന്റെ തെളിവാണ് ഇന്നത്തെ മത്സരത്തിലെ റിസൾട്ട്.ഇതെന്റെ ഏറ്റവും മികച്ച പെർഫോമൻസ് ആണോ എന്നുള്ളത് എനിക്കറിയില്ല. പക്ഷേ ഏറ്റവും മികച്ച പെർഫോമൻസുകളിൽ ഒന്നാണ് ഇത് ‘ ഇതാണ് ബ്രസീലിയൻ താരം പറഞ്ഞിട്ടുള്ളത്.
ഫ്ലിക്കിന്റെ കീഴിൽ ഗംഭീര പ്രകടനമാണ് ബാഴ്സ നടത്തുന്നത്. കേവലം ഒരു സൈനിങ്ങ് മാത്രമാണ് ഈ സമ്മറിൽ ബാഴ്സ നടത്തിയിട്ടുള്ളത്.ഒൽമോ ഇന്നലെ മികച്ച പ്രകടനം നടത്തുകയും ഗോൾ കണ്ടെത്തുകയും ചെയ്തിട്ടുണ്ട്.ഇനിയും ഈ മികവ് ബാഴ്സ തുടരും എന്ന് തന്നെയാണ് ആരാധകർ പ്രതീക്ഷിക്കുന്നത്.
