Official:പുതുക്കിയ ഫിഫ റാങ്കിംഗ് വന്നു,ബ്രസീൽ വീണു, അർജന്റീന ഒന്നാമത്.

ഈ കഴിഞ്ഞ ഇന്റർനാഷണൽ ബ്രേക്കിന് ശേഷമുള്ള പുതുക്കിയ ഫിഫ റാങ്കിംഗ് ഇപ്പോൾ ഒഫീഷ്യലായിക്കൊണ്ട് പ്രസിദ്ധീകരിച്ചു.പ്രതീക്ഷിച്ചപോലെ ലോക ചാമ്പ്യന്മാരായ അർജന്റീന തന്നെയാണ് ഒന്നാം സ്ഥാനം സ്വന്തമാക്കിയിട്ടുള്ളത്. ഒന്നാം സ്ഥാനത്ത് ഉണ്ടായിരുന്ന ബ്രസീലിനെ മറികടന്നു കൊണ്ടാണ് അർജന്റീന ഇപ്പോൾ ഈ റാങ്കിങ്ങിൽ ഒന്നാമത് എത്തിയിരിക്കുന്നത്.

1840.93 പോയിന്റാണ് അർജന്റീനക്ക് ഇപ്പോൾ ഉള്ളത്.അതേസമയം ബ്രസീലിന് കനത്ത തിരിച്ചടി ഏറ്റിട്ടുണ്ട്.മൂന്നാം സ്ഥാനത്താണ് ഇപ്പോൾ ബ്രസീൽ ഉള്ളത്. മൊറോക്കയോട് പരാജയപ്പെട്ടതിന് പിന്നാലെ രണ്ട് സ്ഥാനം അവർ പിറകിലേക്ക് പോയി.1834.21 പോയിന്റ് മാത്രമാണ് ഇപ്പോൾ അവർക്ക് ഉള്ളത്.

ഖത്തർ വേൾഡ് കപ്പിലെ ഫൈനലിസ്റ്റുകൾ ആയ ഫ്രാൻസ് ആണ് രണ്ടാം സ്ഥാനത്ത് ഉള്ളത്.1838.45 പോയിന്റാണ് അവർക്ക് ഉള്ളത്. ഒരു സ്ഥാനമാണ് അവർ ഇപ്പോൾ മുകളിലേക്ക് കയറിയിട്ടുള്ളത്. ഫിഫ റാങ്കിങ്ങിൽ 10 സ്ഥാനങ്ങളിലുള്ള ടീമുകൾ ഇവരൊക്കെയാണ്.

1- അർജന്റീന,2- ഫ്രാൻസ്,3-ബ്രസീൽ,4- ബെൽജിയം,5- ഇംഗ്ലണ്ട്,6- ഹോളണ്ട്,7- ക്രൊയേഷ്യ,8- ഇറ്റലി,9- പോർച്ചുഗൽ,10-സ്പെയിൻ