2000-ന് ശേഷം ഏറ്റവും കൂടുതൽ അസിസ്റ്റുകൾ, ക്രിസ്റ്റ്യാനോയെ പിന്നിലാക്കി മെസ്സി, സുവാരസ് മൂന്നാമത് !

2000-ന് ശേഷം ഏറ്റവും കൂടുതൽ അസിസ്റ്റുകൾ നേടിയ താരമെന്ന റെക്കോർഡ് നിലവിൽ ലയണൽ മെസ്സിക്ക് സ്വന്തമാണ്. സൂപ്പർ താരം ക്രിസ്റ്റ്യാനോ റൊണാൾഡോയെയാണ് മെസ്സി പിന്തള്ളിയിരിക്കുന്നത്. താരത്തെക്കാൾ ഒട്ടേറെ മത്സരങ്ങൾ കുറച്ചു കളിച്ചിട്ടും മെസ്സി തന്നെയാണ് മുന്നിൽ എന്നുള്ളതാണ് കണക്കുകളെ കൗതുകകരമാക്കുന്നത്. 319 അസിസ്റ്റുകളാണ് മെസ്സി നേടിയിട്ടുള്ളത്. 866 മത്സരങ്ങൾ ആണ് മെസ്സി ഇതിന് ചിലവഴിച്ചത്. അതേ സമയം രണ്ടാമതുള്ള ക്രിസ്റ്റ്യാനോ 258 അസിസ്റ്റുകൾ ആണ് നേടിയിട്ടുള്ളത്. ആകെ 1008 മത്സരങ്ങൾ കളിച്ചു. മൂന്നാമതുള്ളത് ബാഴ്സ താരം ലൂയിസ് സുവാരസ് ആണ്. 713 മത്സരങ്ങളിൽ നിന്ന് 256 അസിസ്റ്റുകൾ താരം നേടിയിട്ടുണ്ട്. ട്രാൻസ്ഫർ മാർക്കറ്റ് ആണ് ഈ കണക്കുകൾ പുറത്തു വിട്ടിരിക്കുന്നത്. ആദ്യത്തെ ഇരുപത്തിയഞ്ച് താരങ്ങളുടെ ലിസ്റ്റ് യഥാക്രമം താഴെ നൽകുന്നു.

ലയണൽ മെസ്സി (866 മത്സരങ്ങൾ, 319 അസിസ്റ്റുകൾ), ക്രിസ്റ്റ്യാനോ റൊണാൾഡോ (1008 മത്സരങ്ങൾ, 258 അസിസ്റ്റുകൾ), ലൂയിസ് സുവാരസ് (713 മത്സരങ്ങൾ, 256 അസിസ്റ്റുകൾ), മെസ്യൂട്ട് ഓസിൽ (653 മത്സരങ്ങൾ, 253 അസിസ്റ്റുകൾ), ഡിമരിയ (695 മത്സരംങ്ങൾ, 235 അസിസ്റ്റുകൾ), ഫാബ്രിഗാസ് (800 മത്സരങ്ങൾ, 234 അസിസ്റ്റുകൾ), സാവി (950 മത്സരങ്ങൾ, 230 അസിസ്റ്റുകൾ), റിബറി (649 മത്സരങ്ങൾ, 227 അസിസ്റ്റുകൾ), തോമസ് മുള്ളർ (667 മത്സരങ്ങൾ, 224 അസിസ്റ്റുകൾ), സ്റ്റീഫൻ ഹോഫ്മാൻ (629 മത്സരങ്ങൾ, 208 അസിസ്റ്റുകൾ), ആന്ദ്രേ അർഷവിൻ(700 മത്സരങ്ങൾ, 201 അസിസ്റ്റുകൾ), ഡിബ്രൂയിൻ (520 മത്സരങ്ങൾ, 200 അസിസ്റ്റുകൾ), ഡേവിഡ് സിൽവ (754 മത്സരങ്ങൾ, 200 അസിസ്റ്റുകൾ).

ഇബ്രാഹിമോവിച് (861 മത്സരങ്ങൾ, 196 അസിസ്റ്റുകൾ), ആര്യൻ റോബൻ (703 മത്സരങ്ങൾ, 193 അസിസ്റ്റുകൾ), നെയ്മർ (501 മത്സരങ്ങൾ, 190 അസിസ്റ്റുകൾ), തിയറി ഹെൻറി (716 മത്സരങ്ങൾ, 190 അസിസ്റ്റുകൾ), ഡ്രൈസ് മെർട്ടെൻസ് (691 മത്സരങ്ങൾ, 188 അസിസ്റ്റുകൾ), ഡുസാൻ ടാഡിച്ച് (587 മത്സരങ്ങൾ, 185 അസിസ്റ്റുകൾ), ഇനിയേസ്റ്റ (849 മത്സരങ്ങൾ, 182 അസിസ്റ്റുകൾ), ഈഡൻ ഹസാഡ് (675 മത്സരങ്ങൾ, 181 അസിസ്റ്റുകൾ ), റൂണി (862 മത്സരങ്ങൾ, 179 അസിസ്റ്റുകൾ), ഹൾക് (601 മത്സരങ്ങൾ, 178 അസിസ്റ്റുകൾ), ഡേവിഡ് ബെക്കാം (581മത്സരങ്ങൾ, 176 അസിസ്റ്റുകൾ), ബെൻസിമ (740 മത്സരങ്ങൾ, 176 അസിസ്റ്റുകൾ)