200ആം മത്സരത്തിൽ പോർച്ചുഗല്ലിന്റെ രക്ഷകനായി ക്രിസ്റ്റ്യാനോ!

ഇന്നലെ നടന്ന യൂറോ യോഗ്യത മത്സരത്തിൽ വമ്പൻമാരായ പോർച്ചുഗലിനു വിജയം.എതിരില്ലാത്ത ഒരു ഗോളിനാണ് പോർച്ചുഗൽ ഐസ്ലാൻഡിനെ പരാജയപ്പെടുത്തിയത്. സൂപ്പർ താരം ക്രിസ്റ്റ്യാനോ റൊണാൾഡോ മത്സരത്തിന്റെ അവസാനത്തിൽ നേടിയ ഗോളാണ് പോർച്ചുഗലിന് ഈ വിജയം നേടി കൊടുത്തിട്ടുള്ളത്.

ക്രിസ്റ്റ്യാനോ റൊണാൾഡോക്കൊപ്പം റഫയേൽ ലിയാവോ,ബെർണാഡോ സിൽവ എന്നിവരായിരുന്നു ഉണ്ടായിരുന്നത്. മത്സരത്തിൽ ആധിപത്യം പുലർത്താൻ പോർച്ചുഗലിനു കഴിഞ്ഞിരുന്നു.പക്ഷേ ഗോളുകൾ ഒന്നും പിറന്നിരുന്നില്ല.81ആം മിനിറ്റിൽ ഒരു ഐസ്ലാൻഡ് താരം റെഡ് കാർഡ് കണ്ട് പുറത്തുപോയത് പോർച്ചുഗലിന് ഗുണകരമായി. തുടർന്ന് 89ആം മിനിട്ടിലാണ് റൊണാൾഡോയുടെ വിജയഗോൾ വരുന്നത്.

ഗോൺസാലോ ഇനാഷിയോയുടെ അസിസ്റ്റിൽ നിന്നാണ് റൊണാൾഡോ ഗോൾ കണ്ടെത്തിയത്. ഇന്നലെ തന്റെ അന്താരാഷ്ട്ര കരിയറിലെ ഇരുന്നൂറാം മത്സരമായിരുന്നു റൊണാൾഡോ കളിച്ചിരുന്നത്. ഈ മത്സരത്തിൽ തന്നെ പോർച്ചുഗല്ലിന്റെ രക്ഷകനായി മാറാൻ അദ്ദേഹത്തിന് സാധിച്ചു.