ഹൂലിയനും ഗർനാച്ചോയും മിന്നുന്ന ഫോമിൽ, അർജന്റീനക്ക് സന്തോഷം!

ഇന്നലെ പ്രീമിയർ ലീഗിൽ നടന്ന മത്സരത്തിൽ മികച്ച വിജയം നേടാൻ മാഞ്ചസ്റ്റർ യുണൈറ്റഡിന് കഴിഞ്ഞിരുന്നു. എതിരില്ലാത്ത മൂന്ന് ഗോളുകൾക്കാണ് ലെസ്റ്റർ സിറ്റിയെ യുണൈറ്റഡ് പരാജയപ്പെടുത്തിയത്. മത്സരത്തിൽ ഗോൾ നേടാൻ സൂപ്പർ താരം ഗർനാച്ചോക്ക് സാധിച്ചിട്ടുണ്ട്. ഒരു ഗംഭീര ഷോട്ടിലൂടെയാണ് താരം ഗോൾ നേടിയിട്ടുള്ളത്.

മിന്നുന്ന ഫോമിലാണ് ഇപ്പോൾ ഗർനാച്ചോ കളിച്ചുകൊണ്ടിരിക്കുന്നത്.ക്ലബ്ബിനുവേണ്ടി 11 ഗോൾ പങ്കാളിത്തങ്ങൾ വഹിക്കാൻ അദ്ദേഹത്തിന് കഴിഞ്ഞിട്ടുണ്ട്. ഏഴു ഗോളുകളും നാല് അസിസ്റ്റുകളും അദ്ദേഹം സ്വന്തമാക്കിയിട്ടുണ്ട്.താരത്തിന്റെ മികവ് അർജന്റീനക്ക് സന്തോഷം നൽകുന്ന കാര്യമാണ്. ഇത്തവണത്തെ ഇന്റർനാഷണൽ ബ്രേക്കിലെ ടീമിൽ ഇടം നേടാൻ അദ്ദേഹത്തിന് കഴിഞ്ഞിട്ടുണ്ട്.

അതേസമയം അത്ലറ്റിക്കോ മാഡ്രിഡിൽ ഹൂലിയൻ ആൽവരസും ഫോം വീണ്ടെടുത്ത് കഴിഞ്ഞിട്ടുണ്ട്.മയ്യോർക്കക്കെതിരെ ഗോൾ നേടിയത് ഹൂലിയൻ ആൽവരസ്സായിരുന്നു.ആ ഗോളാണ് അവർക്ക് വിജയം സമ്മാനിച്ചിട്ടുള്ളത്.7 ഗോളുകൾ ഇപ്പോൾ താരം പൂർത്തിയാക്കി കഴിഞ്ഞു.താരവും ഫോം കണ്ടെത്തിയത് അർജന്റീനക്ക് സന്തോഷം നൽകുന്ന കാര്യമാണ്.