ഹാട്രിക്ക് നേടാനുള്ള അവസരം വേണ്ടെന്നുവച്ചു, കലിപ്പിൽ ആയ ആരാധകരോട് സപ്പോർട്ട് ചെയ്യാൻ ആവശ്യപ്പെട്ട് വിനി!

ഇന്ന് കോപ്പ അമേരിക്കയിൽ നടന്ന മത്സരത്തിൽ ഗംഭീര വിജയം നേടാൻ വമ്പൻമാരായ ബ്രസീലിന് സാധിച്ചിരുന്നു. ഒന്നിനെതിരെ നാല് ഗോളുകൾക്കാണ് പരാഗ്വയെ ബ്രസീൽ പരാജയപ്പെടുത്തിയത്. മത്സരത്തിന്റെ ആദ്യപകുതിയിൽ തന്നെ മൂന്ന് ഗോളുകൾ നേടി കൊണ്ട് ബ്രസീൽ വിജയം ഉറപ്പിച്ചിരുന്നു. സൂപ്പർ താരം വിനീഷ്യസ് ജൂനിയർ ഇരട്ട ഗോളുകൾ നേടിയപ്പോൾ ലുകാസ് പക്കേറ്റ,സാവിയോ എന്നിവർ ഓരോ ഗോളുകൾ വീതം നേടുകയായിരുന്നു.ഇതോടെ നാല് പോയിന്റ് സ്വന്തമാക്കിയ ബ്രസീൽ ഏറെക്കുറെ ക്വാർട്ടർ ഫൈനൽ ഉറപ്പിച്ചിട്ടുണ്ട്.

മത്സരത്തിന്റെ 31 ആം മിനിറ്റിൽ ബ്രസീലിന് അനുകൂലമായി ഒരു പെനാൽറ്റി ലഭിച്ചിരുന്നു. എന്നാൽ ലുകാസ് പക്കേറ്റ ആ പെനാൽറ്റി പുറത്തേക്ക് അടിച്ചു പാഴാക്കുകയായിരുന്നു. തുടർന്നാണ് വിനീഷ്യസ് ജൂനിയർ ബ്രസീലിന് വേണ്ടി ഇരട്ട ഗോളുകൾ നേടിയത്. തുടർന്ന് രണ്ടാം പകുതിയിൽ ഒരു പെനാൽറ്റി കൂടി ബ്രസീലിന് ലഭിച്ചു. ബോക്സിനകത്ത് വെച്ച് പരാഗ്വ താരങ്ങൾ ഹാൻഡ് ബോൾ വഴങ്ങിയതിനെ തുടർന്നാണ് ഈ രണ്ട് പെനാൽറ്റിയും അവർക്ക് വഴങ്ങേണ്ടിവന്നത്.

65ആം മിനിറ്റിൽ ലഭിച്ച പെനാൽറ്റി ഗോളാക്കി മാറ്റിയാൽ വിനീഷ്യസിന് ഹാട്രിക് നേടാനുള്ള അവസരം അവിടെയുണ്ടായിരുന്നു. പക്ഷേ അദ്ദേഹം അത് വേണ്ടെന്ന് വെക്കുകയായിരുന്നു. മറിച്ച് ആദ്യ പെനാൽറ്റി പാഴാക്കിയ പക്കേറ്റയെ കൊണ്ടുതന്നെ ബ്രസീൽ ടീം രണ്ടാം പെനാൽറ്റി എടുപ്പിക്കുകയായിരുന്നു. ഇത്തവണ അദ്ദേഹത്തിന്റെ പിഴച്ചില്ല.പക്കേറ്റ അത് ഗോളാക്കി മാറ്റി.

പക്കേറ്റക്ക് രണ്ടാമതും പെനാൽറ്റി നൽകിയ സമയത്ത് സ്റ്റേഡിയത്തിലുള്ള ബ്രസീലിയൻ ആരാധകർ ദേഷ്യപ്പെട്ടിരുന്നു.ആ സമയത്ത് അവർ കൂവി വിളിക്കുകയും ചെയ്തു. എന്നാൽ ബ്രസീൽ ആരാധകരെ അതിൽ നിന്നും വിലക്കിയത് വിനീഷ്യസ് ജൂനിയറാണ്.പക്കേറ്റയെ സപ്പോർട്ട് ചെയ്യാൻ അദ്ദേഹം ആരാധകരോട് ആവശ്യപ്പെടുകയായിരുന്നു.ഹാട്രിക്ക് വേണ്ടെന്നു വെച്ചുകൊണ്ടാണ് വിനീഷ്യസ് തന്റെ സഹതാരത്തെ സപ്പോർട്ട് ചെയ്തിരിക്കുന്നത്. ഏതായാലും ഇത് താരത്തിന് വലിയ പ്രശംസകളാണ് നേടി കൊടുത്തിട്ടുള്ളത്.