സ്കലോനിക്ക് കീഴിൽ ഏറ്റവും കൂടുതൽ ഗോളുകൾ നേടിയതാര്?

ഇന്നലെ നടന്ന അന്താരാഷ്ട്ര സൗഹൃദമത്സരത്തിൽ വിജയം നേടാൻ അർജന്റീനക്ക് കഴിഞ്ഞിരുന്നു. എതിരില്ലാത്ത രണ്ട് ഗോളുകൾക്കാണ് അർജന്റീന ഇൻഡോനേഷ്യയെ പരാജയപ്പെടുത്തിയത്.പരേഡസ്,റൊമേറോ എന്നിവരാണ് അർജന്റീനക്ക് വേണ്ടി ഗോളുകൾ നേടിയത്.

ലയണൽ സ്കലോണി അർജന്റീനയുടെ പരിശീലകനായതിനുശേഷം ആകെ 61 മത്സരങ്ങളാണ് അർജന്റീന കളിച്ചത്.അതിൽ 41 മത്സരങ്ങളിലും വിജയിക്കാൻ അർജന്റീനക്ക് കഴിഞ്ഞു. ഈ മത്സരങ്ങളിൽ നിന്നായി ഏറ്റവും കൂടുതൽ ഗോളുകൾ അർജന്റീനക്ക് വേണ്ടി നേടിയതും മറ്റാരുമല്ല,മെസ്സി തന്നെയാണ്.സ്കലോണിക്ക് കീഴിൽ മാത്രമായി മെസ്സി 38 ഗോളുകൾ നേടിയിട്ടുണ്ട്.

രണ്ടാം സ്ഥാനത്ത് ലൗറ്ററോ മാർട്ടിനസ് വരുന്നു. 21 ഗോളുകളാണ് അദ്ദേഹം ഈ പരിശീലകന് കീഴിൽ നേടിയിട്ടുള്ളത്.9 ഗോളുകൾ നേടിയ ഡി മരിയ മൂന്നാം സ്ഥാനത്തും ഏഴ് ഗോളുകൾ നേടിയ ഹൂലിയൻ ആൽവരസ് നാലാം സ്ഥാനത്തുമാണ് വരുന്നത്. 4 ഗോളുകൾ വീതമാണ് പരേഡസും നിക്കോളാസ് ഗോൺസാലസും നേടിയിട്ടുള്ളത്.ഇതാണ് ഈ പരിശീലകന് കീഴിൽ അർജന്റീനക്ക് വേണ്ടി ഏറ്റവും കൂടുതൽ ഗോളുകൾ നേടിയ താരങ്ങളുടെ കണക്കുകൾ.