സൂപ്പർ താരങ്ങൾ നിറഞ്ഞാടി,ചിലിയെ തകർത്തു വിട്ട് ബ്രസീൽ!

വേൾഡ് കപ്പ് യോഗ്യത റൗണ്ടിൽ ഇന്ന് നടന്ന മത്സരത്തിൽ വമ്പന്മാരായ ബ്രസീലിന് മിന്നുന്ന വിജയം. എതിരില്ലാത്ത നാലു ഗോളുകൾക്കാണ് ബ്രസീൽ ചിലിയെ തകർത്തു വിട്ടത്. സൂപ്പർ താരങ്ങൾ എല്ലാവരും ഗോൾ നേടിയതോട് കൂടിയാണ് ബ്രസീൽ മാരക്കാനയിൽ ഇത്തരത്തിലുള്ള ഒരു തകർപ്പൻ വിജയം സ്വന്തമാക്കിയത്. നെയ്മർ ജൂനിയർ, വിനീഷ്യസ് ജൂനിയർ,ഫിലിപ്പെ കൂട്ടിഞ്ഞോ,റിച്ചാർലീസൺ എന്നിവരാണ് ബ്രസീലിന് വേണ്ടി വലകുലുക്കിയത്.

നെയ്മർ,വിനീഷ്യസ്,ആന്റണി എന്നിവരായിരുന്നു ബ്രസീലിന്റെ മുന്നേറ്റനിരയിൽ.മത്സരത്തിന്റെ 44-ആം മിനുട്ടിലാണ് നെയ്മർ പെനാൽറ്റിയിലൂടെ ബ്രസീലിന് ലീഡ് നേടി കൊടുക്കുന്നത്. തൊട്ടടുത്ത മിനുട്ടിൽ വിനീഷ്യസും നിറയൊഴിച്ചു.ആന്റണിയുടെ പാസിൽ നിന്നാണ് വിനീഷ്യസ് ഗോൾ സ്വന്തമാക്കിയത്.72-ആം മിനുട്ടിൽ ബ്രസീലിന് ലഭിച്ച മറ്റൊരു പെനാൽറ്റി സൂപ്പർ താരം കൂട്ടിഞ്ഞോ ലക്ഷ്യം കാണുകയായിരുന്നു.മത്സരത്തിന്റെ ഏറ്റവും അവസാനം റിച്ചാർലീസൺ കൂടി ഗോൾ നേടിയതോടെ ചിലിയുടെ പതനം പൂർണമാവുകയായിരുന്നു.

16 മത്സരങ്ങളിൽ 42 പോയിന്റുള്ള ബ്രസീൽ ഒന്നാം സ്ഥാനത്താണ്.അതേസമയം ചിലിക്ക് വേൾഡ് കപ്പിന് യോഗ്യത നേടാൻ കഴിഞ്ഞില്ല. നിലവിൽ ഏഴാം സ്ഥാനത്താണ് ചിലിയുള്ളത്