സഹോദരാ.. നിനക്ക് അഭിനന്ദനങ്ങൾ: മെസ്സിക്ക് ഉറ്റ സുഹൃത്തായ നെയ്മറുടെ സന്ദേശം!

ഖത്തർ വേൾഡ് കപ്പിന്റെ കലാശ പോരാട്ടത്തിൽ ഫ്രാൻസിനെ പരാജയപ്പെടുത്തിക്കൊണ്ട് ലയണൽ മെസ്സിയും സംഘവും ചരിത്രം കുറിച്ചിരുന്നു. പെനാൽറ്റി ഷൂട്ടൗട്ടിൽ ആണ് അർജന്റീന വിജയം കരസ്ഥമാക്കിയത്.കിലിയൻ എംബപ്പേയുടെ ഹാട്രികിനും ഫ്രാൻസിനെ രക്ഷിക്കാൻ കഴിയാതെ പോവുകയായിരുന്നു.

ഏതായാലും ലയണൽ മെസ്സി തന്റെ അവസാന വേൾഡ് കപ്പിൽ കിരീടം നേടിക്കൊണ്ട് പടിയിറങ്ങുകയാണ്. വേൾഡ് കപ്പിലെ ഏറ്റവും മികച്ച താരത്തിനുള്ള പുരസ്കാരം സ്വന്തമാക്കി കൊണ്ടാണ് മെസ്സി പടിയിറങ്ങുന്നത്.ഇനി കരിയറിൽ ലയണൽ മെസ്സി സംബന്ധിച്ചിടത്തോളം അദ്ദേഹത്തിന് ഒന്നും തന്നെ തെളിയിക്കാൻ ഇല്ല എന്നുള്ളത് വ്യക്തമായി കഴിഞ്ഞു.

ലയണൽ മെസ്സി കിരീടം നേടിയതിന് പിന്നാലെ ബ്രസീലിയൻ സൂപ്പർതാരമായ നെയ്മർ ജൂനിയർ അദ്ദേഹത്തിന് അഭിനന്ദനങ്ങൾ.മെസ്സി കിരീടത്തെ തലോടുന്ന ഒരു ചിത്രമാണ് നെയ്മർ തന്റെ ഇൻസ്റ്റാഗ്രാമിൽ പങ്കുവെച്ചിട്ടുള്ളത്. ‘അഭിനന്ദനങ്ങൾ സഹോദരാ’ എന്നാണ് നെയ്മർ കുറിച്ചിട്ടുള്ളത്. ബ്രസീലും അർജന്റീനയും ചിരവൈരികളാണെങ്കിലും മെസ്സിയും നെയ്മറും തമ്മിലുള്ള സൗഹൃദ ബന്ധത്തിന്റെ ആഴമാണ് ഈ പോസ്റ്റിലൂടെ വ്യക്തമാകുന്നത്.

ഏതായാലും ലയണൽ മെസ്സി തന്റെ പോരായ്മകളെ എല്ലാം ഇപ്പോൾ മറികടന്നിട്ടുണ്ട്. ലോകത്തിന്റെ പല കോണുകളിൽ നിന്നും അദ്ദേഹത്തിന് അഭിനന്ദന പ്രവാഹങ്ങൾ വരികയാണ്. എതിരാളികൾ പോലും മെസ്സിയെ ഇഷ്ടപ്പെടുന്ന രൂപത്തിലേക്ക് കാര്യങ്ങൾ എത്തിക്കഴിഞ്ഞു.