വേൾഡ് കപ്പ് കിരീടം നേടി, അർജന്റീന താരങ്ങളുടെ ഇപ്പോഴത്തെ മൂല്യം അറിയൂ!

ഖത്തർ വേൾഡ് കപ്പ് കിരീട ജേതാക്കളായ അർജന്റീന ഇപ്പോഴും ആഘോഷത്തിമിർപ്പിലാണ്. ഒരു വലിയ ഇടവേളക്ക് ശേഷമാണ് അർജന്റീന ഒരിക്കൽക്കൂടി വേൾഡ് കപ്പ് കിരീടത്തിൽ മുത്തമിട്ടിരിക്കുന്നത്.ഓരോ അർജന്റീന താരങ്ങളും ഇപ്പോൾ ലോകത്തിന്റെ നെറുകയിൽ എത്തിക്കഴിഞ്ഞു.

ഈ കിരീടനേട്ടം എല്ലാ അർജന്റീന താരങ്ങൾക്കും വലിയ രൂപത്തിൽ ഗുണം ചെയ്തിട്ടുണ്ട്.അതിൽ എടുത്തു പറയേണ്ട കാര്യമാണ് താരങ്ങളുടെ മൂല്യം.ഒരുപാട് താരങ്ങളുടെ മൂല്യം ഇപ്പോൾ വർദ്ധിച്ചിട്ടുണ്ട്.എൻസോ ഫെർണാണ്ടസ്,മാക്ക് ആല്ലിസ്റ്റർ എന്നിവരൊക്കെയാണ് ഏറ്റവും കൂടുതൽ നേട്ടം ഉണ്ടാക്കിയിട്ടുള്ളത്. കേവലം 5 മില്യൺ യൂറോ മാത്രം മൂല്യം ഉണ്ടായിരുന്ന എൻസോയുടെ ഇപ്പോഴത്തെ മൂല്യം 35 മില്യൺ യുറോയാണ്.

വേൾഡ് കപ്പിൽ തിളങ്ങാൻ കഴിഞ്ഞിട്ടില്ലെങ്കിലും അർജന്റീന ടീമിൽ ഏറ്റവും കൂടുതൽ മൂല്യം ഉള്ള വ്യക്തി ലൗറ്ററോ തന്നെയാണ്.75 മില്യൺ യുറോയാണ് താരത്തിന്റെ മൂല്യം.റൊമേറോ,ലിസാൻഡ്രോ എന്നിവരാണ് തൊട്ടു പിറകിൽ ഉള്ളത്. അതേസമയം പ്രായം 35 പിന്നിട്ടിട്ടും മെസ്സിയുടെ മൂല്യം 50 മില്യൺ യുറോയാണ് എന്നുള്ളത് അതിശയപ്പെടുത്തുന്ന ഒരു കാര്യമാണ്.

ഏതായാലും ഇപ്പോഴത്തെ അർജന്റീന താരങ്ങളുടെ മൂല്യം താഴെ നൽകുന്നു.