ലൗറ്ററോ ഗോളടിച്ചു,കൊളംബിയയെയും കീഴടക്കി അർജന്റീന!

അർജന്റീനയുടെ അപരാജിത കുതിപ്പിന് തടയിടാൻ കൊളംബിയക്കും സാധിച്ചില്ല.എതിരില്ലാത്ത ഒരു ഗോളിനാണ് അർജന്റീന കൊളംബിയയെ കീഴടക്കിയത്.ലൗറ്ററോ മാർട്ടിനെസാണ് അർജന്റീനയുടെ വിജയഗോൾ നേടിയത്.ഇതോടെ കഴിഞ്ഞ 29 മത്സരങ്ങളായി അർജന്റീന പരാജയമറിഞ്ഞിട്ടില്ല.പ്രധാന താരങ്ങൾ ഇല്ലാഞ്ഞിട്ടും അർജന്റീന വിജയം തുടരുകയായിരുന്നു.

ഡി മരിയ,ഒകമ്പസ്,ലൗറ്ററോ എന്നിവരായിരുന്നു അർജന്റീനയുടെ മുന്നേറ്റനിരയിൽ.മത്സരത്തിന്റെ 29-ആം മിനുട്ടിലാണ് അർജന്റീനയുടെ വിജയഗോൾ പിറന്നത്.മാർക്കോസ് അക്യുനയുടെ അസിസ്റ്റിൽ നിന്നും ലൗttaറോയാണ് ഗോൾ നേടിയത്.ഈ ഗോളിന് മറുപടി നൽകാൻ കൊളംബിയക്ക് സാധിക്കാതെ പോവുകയായിരുന്നു.ഇതോടെ 15 മത്സരങ്ങൾ പൂർത്തിയാക്കിയ അർജന്റീനക്ക് 35 പോയിന്റുണ്ട്.ബ്രസീലിന് പിന്നിൽ രണ്ടാമതാണ് അർജന്റീന.