ലൗറ്ററോയുടെ കിടിലൻ ഗോളിൽ വിജയിച്ച് അർജന്റീന, സമനില തെറ്റാതെ ബ്രസീൽ!
ഇന്ന് നടന്ന വേൾഡ് കപ്പ് യോഗ്യത മത്സരത്തിൽ വിജയം നേടാൻ അർജന്റീനക്ക് സാധിച്ചിട്ടുണ്ട്. എതിരില്ലാത്ത ഒരു ഗോളിനാണ് അവർ പെറുവിനെ പരാജയപ്പെടുത്തിയിട്ടുള്ളത്. സൂപ്പർ താരം ലൗറ്ററോ മാർട്ടിനസ് നേടിയ കിടിലൻ ഗോളാണ് അവർക്ക് വിജയം സമ്മാനിച്ചത്. രണ്ടാം പകുതിയിൽ ലയണൽ മെസ്സിയുടെ അസിസ്റ്റിൽ നിന്നാണ് ലൗറ്ററോ വിജയ ഗോൾ കണ്ടെത്തിയിട്ടുള്ളത്.
അതേസമയം ഇന്ന് നടന്ന മറ്റൊരു വേൾഡ് കപ്പ് യോഗ്യത മത്സരത്തിൽ ബ്രസീലിന് സമനില വഴങ്ങേണ്ടി വന്നിട്ടുണ്ട്.ഉറുഗ്വയാണ് ബ്രസീലിനെ സമനിലയിൽ തളച്ചത്.രണ്ട് ടീമുകളും ഓരോ ഗോളുകൾ വീതം നേടുകയായിരുന്നു.വാൽവെർദെയിലൂടെ ഉറുഗ്വയാണ് ആദ്യ ഗോൾ നേടിയത്. അതിനുശേഷം ഗേഴ്സൺ ഒരു തകർപ്പൻ ഗോളിലൂടെ ബ്രസീലിന് സമനില നേടിക്കൊടുത്തു.പിന്നീട് മത്സരത്തിൽ ഗോളുകൾ ഒന്നും പിറന്നില്ല.
നിലവിൽ പോയിന്റ് പട്ടികയിൽ അർജന്റീന ഒന്നാം സ്ഥാനത്താണ്.25 പോയിന്റാണ് അർജന്റീനക്കുള്ളത്.വേൾഡ് കപ്പ് യോഗ്യതയുടെ തൊട്ടരികിൽ എത്താൻ അവർക്ക് കഴിഞ്ഞിട്ടുണ്ട്. അതേസമയം 18 പോയിന്റുള്ള ബ്രസീൽ അഞ്ചാം സ്ഥാനത്താണ്
