മെസ്സിയെ മറ്റുള്ളവരുമായി താരതമ്യം ചെയ്യരുത് : ക്രിസ്റ്റ്യൻ റൊമേറോ

ഈ സീസണിൽ ഇപ്പോൾ നല്ല രൂപത്തിലുള്ള പ്രകടനം നടത്താൻ സൂപ്പർ താരം ലയണൽ മെസ്സിക്ക് സാധിക്കുന്നുണ്ട്.പിഎസ്ജിക്ക് വേണ്ടി ആകെ ഈ സീസണിൽ 10 മത്സരങ്ങളാണ് മെസ്സി കളിച്ചിട്ടുള്ളത്. അതിൽ നിന്ന് 13 ഗോൾ പങ്കാളിത്തങ്ങൾ വഹിക്കാൻ മെസ്സിക്ക് കഴിഞ്ഞിട്ടുണ്ട്.5 ഗോളുകളും എട്ട് അസിസ്റ്റുകളുമാണ് മെസ്സി സ്വന്തം പേരിൽ കൂട്ടിച്ചേർത്തിട്ടുള്ളത്.

ഏതായാലും മെസ്സിയുടെ ഈ തകർപ്പൻ പ്രകടനം വരുന്ന മത്സരങ്ങളിൽ അർജന്റീനക്ക് സഹായകരമായേക്കും. ഈ മാസത്തിന്റെ അവസാനത്തിൽ ഹോണ്ടുറാസ്,ജമൈക്ക എന്നിവരെയാണ് അർജന്റീന നേരിടുക. അപരാജിത കുതിപ്പ് നടത്തുന്ന അർജന്റീന അത് തുടരാനാണ് ഉദ്ദേശിക്കുന്നത്.

അതേസമയം ലയണൽ മെസ്സിയുടെ അർജന്റൈൻ സഹതാരമായ ക്രിസ്റ്റ്യൻ റൊമേറോ ഒരിക്കൽ കൂടി താരത്തെ പ്രശംസിച്ചിട്ടുണ്ട്. അതായത് മറ്റുള്ളവരുമായി താരത്തെ താരതമ്യം ചെയ്യരുതെന്നും അദ്ദേഹത്തെപ്പോലെയൊരു താരത്തെ താൻ ഇതുവരെ കണ്ടിട്ടില്ല എന്നുമാണ് ഈ ടോട്ടെൻഹാം സൂപ്പർ താരം പറഞ്ഞിട്ടുള്ളത്.റൊമേറോയുടെ വാക്കുകളെ റോയ് നെമർ റിപ്പോർട്ട് ചെയ്യുന്നത് ഇങ്ങനെയാണ്.

‘ എന്നെ സംബന്ധിച്ചിടത്തോളം ലയണൽ മെസ്സി ഒരു ഡിഫറെന്റ് ക്ലാസ് താരമാണ്. എന്റെ ജീവിതത്തിൽ ഞാൻ ഇതുവരെ ലയണൽ മെസ്സിയെ പോലെ ഒരു താരത്തെ കണ്ടിട്ടില്ല. ഇൻക്രെഡിബിൾ ആയിട്ടുള്ള കാര്യങ്ങൾ ചെയ്തിട്ടുള്ള താരം കൂടിയാണ് മെസ്സി. അതുകൊണ്ടുതന്നെ ലയണൽ മെസ്സിയെ മറ്റാരുമായും താരതമ്യം ചെയ്യരുത് എന്നാണ് ഞാൻ കരുതുന്നത്. മെസ്സിക്കൊപ്പം കളിക്കുക എന്നുള്ളത് ബ്രില്യന്റ് ആയിട്ടുള്ള കാര്യമാണ് ‘ റൊമേറോ പറഞ്ഞു.

ഏതായാലും ഇനി റൊമേറോയും മെസ്സിയും അർജന്റീനക്ക് വേണ്ടി കളിക്കുന്നത് ഈ മാസം കാണാൻ സാധിക്കും. വരുന്ന ഖത്തർ വേൾഡ് കപ്പിലാണ് ഇരു താരങ്ങൾക്കും വലിയ റോൾ വഹിക്കാനുള്ളത്.