മെസ്സിയില്ലെങ്കിലാണ് ഞങ്ങൾ കൂടുതൽ കരുത്തരാവേണ്ടത്:മാക്ക് ആല്ലിസ്റ്റർ പറയുന്നു

ഇന്ന് നടന്ന അന്താരാഷ്ട്ര സൗഹൃദ മത്സരത്തിൽ വിജയം നേടാൻ ലോക ചാമ്പ്യന്മാരായ അർജന്റീനക്ക് സാധിച്ചിരുന്നു. ഒന്നിനെതിരെ മൂന്നു ഗോളുകൾക്കാണ് കോസ്റ്റാറിക്കയെ അർജന്റീന പരാജയപ്പെടുത്തിയത്. ഒരു ഗോളിന് പുറകിൽ നിന്ന ശേഷം മൂന്ന് ഗോളുകൾ അർജന്റീന തിരിച്ചടിക്കുകയായിരുന്നു.ഡി മരിയ,മാക്ക് ആല്ലിസ്റ്റർ,ലൗറ്ററോ എന്നിവരാണ് അർജന്റീനക്ക് വേണ്ടി ഗോളുകൾ നേടിയത്.

ലയണൽ മെസ്സിയുടെ അഭാവത്തിലാണ് 2 മത്സരങ്ങളും അർജന്റീന കളിച്ചത്. ഈ രണ്ടു മത്സരങ്ങളിലും മികച്ച വിജയം നേടാൻ അവർക്ക് സാധിച്ചു. ഏതായാലും മെസ്സിയുടെ അഭാവത്തെക്കുറിച്ച് മാക്ക് ആല്ലിസ്റ്റർ ചില കാര്യങ്ങൾ പറഞ്ഞിട്ടുണ്ട്. അതായത് ലയണൽ മെസ്സി ഇല്ലാത്ത സമയത്താണ് ഞങ്ങൾ കൂടുതൽ കരുത്തരാവേണ്ടത് എന്നാണ് ഈ സൂപ്പർ താരം പറഞ്ഞിട്ടുള്ളത്.അദ്ദേഹത്തിന്റെ വാക്കുകൾ ഇങ്ങനെയാണ്.

” ലയണൽ മെസ്സി ഇല്ലാത്ത സമയത്താണ് ഞങ്ങൾ കൂടുതൽ കരുത്തരാവേണ്ടത്. കാരണം ഏത് സമയത്തും ഞങ്ങളെ രക്ഷപ്പെടുത്താൻ സാധിക്കുന്ന താരമാണ് മെസ്സി. അദ്ദേഹം ഇല്ലെങ്കിൽ ഞങ്ങൾ കൂടുതൽ ടീമായി കൊണ്ട് പ്രവർത്തിക്കണം.മെസ്സി ഇല്ലെങ്കിൽ എതിരാളികൾക്ക് ഭയം കുറയും. അത് വളരെ നോർമലായ കാര്യമാണ്. എന്നിരുന്നാലും യൂറോപ്പിലെ വലിയ ക്ലബ്ബുകൾക്ക് വേണ്ടി കളിക്കുന്ന താരങ്ങളാണ് ഞങ്ങളുടെ ടീമിൽ ഉള്ളത്. കളിക്കളത്തിൽ എന്ത് ചെയ്യണം എന്നതിനെക്കുറിച്ച് കൃത്യമായ ധാരണ ഞങ്ങളുടെ താരങ്ങൾക്കുണ്ട് ” ഇതാണ് മാക്ക് ആല്ലിസ്റ്റർ പറഞ്ഞിട്ടുള്ളത്

ഇന്നത്തെ മത്സരത്തിൽ അർജന്റീനക്ക് നിർണായക ഗോൾ നേടിക്കൊടുത്തത് ഡി മരിയയാണ്. അദ്ദേഹത്തിന്റെ ഫ്രീകിക്ക് ഗോളാണ് അർജന്റീനയെ മത്സരത്തിലേക്ക് തിരികെ കൊണ്ടുവന്നത്.ഡി മരിയയുടെ ക്വാളിറ്റി വിശദീകരിക്കാൻ തന്റെ കയ്യിൽ വാക്കുകളില്ല എന്നാണ് ഇതേക്കുറിച്ച് മാക്ക് ആല്ലിസ്റ്റർ പറഞ്ഞിട്ടുള്ളത്.