മെസ്സിക്കൊപ്പം കളിക്കാനുള്ള അവസരം വേണ്ടെന്നുവെച്ചു,CR7 ഏറെ കരുത്തൻ:ബുഫൺ പറയുന്നു

ഫുട്ബോൾ ലോകത്തെ ഇതിഹാസ ഗോൾകീപ്പർമാരിൽ ഒരാളാണ് ജിയാൻലൂയിജി ബുഫൺ. 1995 മുതൽ 2023 വരെയുള്ള ഒരു മഹത്തായ കരിയർ അവകാശപ്പെടാൻ ഇതിഹാസത്തിന് സാധിക്കുന്നുണ്ട്.യുവന്റസിന് വേണ്ടിയും ഇറ്റലിക്ക് വേണ്ടിയും ദീർഘകാലം ഇദ്ദേഹം കളിച്ചിട്ടുണ്ട്. ഇതിനിടയിൽ പിഎസ്ജിയിൽ ഒരു വർഷം താരം കളിച്ചിരുന്നു.

2021ൽ എഫ്സി ബാഴ്സലോണ അദ്ദേഹത്തെ സെക്കൻഡ് ചോയ്സ് ഗോൾകീപ്പറായിക്കൊണ്ട് ക്ലബ്ബിലേക്ക് ക്ഷണിച്ചിരുന്നു. എന്നാൽ അത് അദ്ദേഹം വേണ്ടെന്നു വെക്കുകയായിരുന്നു. തന്റെ പഴയ ക്ലബ്ബായ പാർമയിലേക്ക് തന്നെ പോകാൻ അദ്ദേഹം തീരുമാനിക്കുകയായിരുന്നു. ഇതേക്കുറിച്ച് ബുഫൺ പറഞ്ഞത് ഇപ്രകാരമാണ്.

” ബാഴ്സലോണയിൽ നിന്നും എനിക്ക് ഓഫർ ലഭിച്ചിരുന്നു. സെക്കൻഡ് ഗോൾകീപ്പറായി കൊണ്ടായിരുന്നു അവർ എന്നെ വിളിച്ചിരുന്നത്.മെസ്സിക്കൊപ്പം കളിക്കാൻ എനിക്ക് ഇഷ്ടമായിരുന്നു. ഞാൻ നേരത്തെ റൊണാൾഡോപ്പം കളിച്ചിട്ടുള്ളത് താരമാണ്. പക്ഷേ ബാഴ്സയുടെ ഓഫർ ഞാൻ വേണ്ടെന്നു വയ്ക്കുകയായിരുന്നു. കാരണം എന്റെ പഴയ ക്ലബ്ബിലേക്ക് പോകാനാണ് എന്റെ മനസ്സ് എന്നോട് പറഞ്ഞത് ” ഇതാണ് ബുഫൺ പറഞ്ഞിട്ടുള്ളത്.

അതേസമയം തന്റെ സഹതാരമായിരുന്ന റൊണാൾഡോയെ കുറിച്ച് ചില കാര്യങ്ങൾ ഇദ്ദേഹം പറഞ്ഞിട്ടുണ്ട്.അത് നമുക്ക് നോക്കാം.

” എനിക്ക് റൊണാൾഡോയുമായി നല്ല ബന്ധമാണ് ഉണ്ടായിരുന്നത്.വളരെയധികം ആത്മവിശ്വാസമുള്ള താരമാണ് അദ്ദേഹം. പ്രതിഭകളെ തിരിച്ചറിയാൻ അദ്ദേഹത്തിന് കഴിയും.നല്ല കരുത്തുറ്റ താരമാണ് അദ്ദേഹം.ഒരുപാട് പ്രതിസന്ധികളെ മറികടക്കാൻ അദ്ദേഹത്തിന് കഴിഞ്ഞിട്ടുണ്ട്.പിതാവിന്റെ അഭാവത്തിൽ ഒരുപാട് ബുദ്ധിമുട്ടേറിയ വഴികളെ അദ്ദേഹത്തിന് നേരിടേണ്ടി വന്നിട്ടുണ്ട് ” ഇതാണ് റൊണാൾഡോയെ കുറിച്ച് ബുഫൺ പറഞ്ഞിട്ടുള്ളത്

മെസ്സിയും റൊണാൾഡോയും ഇപ്പോഴും ഫുട്ബോൾ ലോകത്ത് സജീവമായി തുടരുന്നുണ്ട്.എന്നാൽ രണ്ടുപേരും യൂറോപ്പ്യൻ ഫുട്ബോൾ അവസാനിപ്പിച്ചത് ആരാധകർക്ക് നിരാശ നൽകുന്ന കാര്യമാണ്.