മിന്നും പ്രകടനവുമായി മെസ്സി,അർജന്റീന ക്വാർട്ടറിൽ!

ഖത്തർ വേൾഡ് കപ്പിൽ ഒരല്പം മുൻപ് നടന്ന മത്സരത്തിൽ അർജന്റീനക്ക് വിജയം.പ്രീ ക്വാർട്ടർ പോരാട്ടത്തിൽ ഓസ്ട്രേലിയയെയാണ് അർജന്റീന പരാജയപ്പെടുത്തിയത്.ഒന്നിനെതിരെ രണ്ടു ഗോളുകൾക്കാണ് അർജന്റീന വിജയം നേടിയിട്ടുള്ളത്.ഇനി ക്വാർട്ടർ ഫൈനൽ മത്സരത്തിൽ അർജന്റീനയുടെ എതിരാളികൾ നെതർലാൻസാണ്.

മത്സരത്തിൽ മിന്നുന്ന പ്രകടനമാണ് മെസ്സി പുറത്തെടുത്തത്.35ആം മിനുട്ടിലാണ് മെസ്സിയുടെ ഗോൾ പിറന്നിട്ടുള്ളത്.ഓട്ടമെന്റിയുടെ കാലിൽ തട്ടി വന്നിട്ടുള്ള ബോൾ മെസ്സി വലയിലേക്ക് എത്തിക്കുകയായിരുന്നു.ആദ്യപകുതിയിൽ ഈ ഗോളിന്റെ ലീഡിൽ അർജന്റീന കളം വിട്ടു.

രണ്ടാം പകുതിയുടെ 57ആം മിനുട്ടിൽ ഹൂലിയൻ ആൽവരസിന്റെ ഗോൾ പിറന്നു.ഓസ്ട്രേലിയൻ ഗോൾകീപ്പറുടെയും ഡിഫൻസിന്റെയും പിഴവ് മുതലെടുത്താണ് ആൽവരസ് ഗോൾ കണ്ടെത്തിയത്.പിന്നീട് 77 ആം മിനുട്ടിൽ എൻസോ ഫെർണാണ്ടസിന്റെ സെൽഫ് ഗോൾ വരികയായിരുന്നു.ഗുഡ്വിന്റെ ഷോട്ട് എൻസോയുടെ അദ്ദേഹത്തെ തട്ടി വലയിൽ പതിക്കുകയായിരുന്നു. പിന്നീട് അർജന്റീനക്ക് ഒരുപാട് അവസരങ്ങൾ ലഭിച്ചിരുന്നുവെങ്കിലും ഗോൾ നേടാൻ സാധിച്ചിരുന്നില്ല.

ലയണൽ മെസ്സി 2 അവസരങ്ങൾ ലൗറ്ററോക്ക് ഒരിക്കൽ നൽകിയിരുന്നെങ്കിൽ അദ്ദേഹം അത് പാഴാക്കുകയായിരുന്നു. മെസ്സിക്കും ഒരു അവസരം ലഭിച്ചിരുന്നുവെങ്കിലും ഗോളാക്കി മാറ്റാൻ അദ്ദേഹത്തിന് കഴിഞ്ഞിരുന്നില്ല. എന്നിരുന്നാലും ക്വാർട്ടറിലേക്ക് പ്രവേശിക്കുന്നതിന് അതൊന്നും അർജന്റീനക്ക് തടസ്സമായിരുന്നില്ല.