മാൻ ഓഫ് ദി മാച്ച് ഹൂലിയൻ ആൽവരസ്, അർഹിച്ച വിജയമാണ് നേടിയതെന്നും താരം!

ഇന്ന് കോപ്പ അമേരിക്കയിൽ നടന്ന തങ്ങളുടെ ആദ്യ മത്സരത്തിൽ വിജയം സ്വന്തമാക്കാൻ നിലവിലെ ജേതാക്കളായ അർജന്റീനക്ക് സാധിച്ചിരുന്നു.എതിരില്ലാത്ത രണ്ട് ഗോളുകൾക്കാണ് അവർ കാനഡയെ തോൽപ്പിച്ചത്. സൂപ്പർ താരങ്ങളായ ഹൂലിയൻ ആൽവരസ്,ലൗറ്ററോ മാർട്ടിനസ് എന്നിവരാണ് അർജന്റീനക്ക് വേണ്ടി ഗോളുകൾ നേടിയത്.ലയണൽ മെസ്സി,മാക്ക് ആല്ലിസ്റ്റർ എന്നിവർ ഓരോ അസിസ്റ്റുകൾ സ്വന്തമാക്കി. മത്സരത്തിൽ മികച്ച പ്രകടനമാണ് അർജന്റീന നടത്തിയതെങ്കിലും അവർക്ക് കൂടുതൽ ഗോളുകൾ നേടാൻ സാധിക്കാതെ പോവുകയായിരുന്നു.

മത്സരത്തിന്റെ സ്റ്റാർട്ടിങ് നിലവിൽ ഇടം നേടാൻ ഹൂലിയൻ ആൽവരസിന് സാധിച്ചിരുന്നു. മികച്ച പ്രകടനം നടത്തിയ അദ്ദേഹം ആദ്യ ഗോൾ നേടിക്കൊണ്ട് അർജന്റീനക്ക് മുൻതൂക്കം നൽകുകയായിരുന്നു. പിന്നീട് മത്സരത്തിന്റെ 76ആം മിനിറ്റിലായിരുന്നു അദ്ദേഹം കളത്തിന് പുറത്തേക്ക് പോയത്. മത്സരത്തിലെ ഏറ്റവും മികച്ച താരത്തിനുള്ള മാൻ ഓഫ് ദി മാച്ച് പുരസ്കാരം സ്വന്തമാക്കിയത് ആൽവരസ് തന്നെയാണ്.ഇതിനുശേഷം ചില കാര്യങ്ങൾ അദ്ദേഹം പറഞ്ഞിട്ടുണ്ട്.താരത്തിന്റെ വാക്കുകൾ ഇങ്ങനെയാണ്.

“ഇത് വളരെ പ്രധാനപ്പെട്ട ഒരു വിജയമാണ്.കാരണം ആദ്യത്തെ മത്സരമാണല്ലോ ഇത്. ഈ ടീം അർഹിച്ച വിജയമാണ് ഞങ്ങൾ സ്വന്തമാക്കിയിട്ടുള്ളത്. കാരണം കഴിഞ്ഞ ഒരാഴ്ചയായി ഞങ്ങൾ നല്ല രീതിയിൽ ട്രെയിനിങ് നടത്തിയിട്ടുണ്ട് “ഇതാണ് അർജന്റീന സൂപ്പർ താരം പറഞ്ഞിട്ടുള്ളത്.

കിട്ടുന്ന അവസരങ്ങൾ മുതലെടുക്കുന്നതിൽ ഹൂലിയൻ തന്റെ കഴിവ് മുൻപ് തന്നെ തെളിയിച്ചതാണ്.ലൗറ്ററോ മാർട്ടിനസിന് പകരം സ്റ്റാർട്ടിങ് ഇലവനിൽ തനിക്ക് ലഭിച്ച അവസരം താരം മുതലെടുക്കുകയായിരുന്നു. താരത്തിന്റെ പകരക്കാരനായി ഇറങ്ങിയ ലൗറ്ററോയും ഗോൾ കണ്ടെത്തിയിട്ടുണ്ട്.ഈ രണ്ട് സ്ട്രൈക്കർമാരും ആദ്യമായാണ് ഒരു മത്സരത്തിൽ ഗോൾ നേടുന്നത്. രണ്ടുപേരും ഫോമിലാണ് ഉള്ളത് എന്നത് പരിശീലകനായ സ്‌കലോണിക്ക് സന്തോഷം നൽകുന്ന കാര്യമാണ്.