ബാഴ്സ കൈവിട്ടു,ഡാനിയെ വേൾഡ് കപ്പ് ടീമിൽ എടുക്കില്ലേ? ടിറ്റെ പറയുന്നു!
39 കാരനായ ഡാനി ആൽവസിനെ തന്നെയാണ് പലപ്പോഴും ലാറ്റിനമേരിക്കൻ വമ്പൻമാരായ ബ്രസീൽ റൈറ്റ് ബാക്ക് പൊസിഷനിൽ ഉപയോഗപ്പെടുത്താറുള്ളത്. വരുന്ന വേൾഡ് കപ്പിനുള്ള ബ്രസീലിയൻ ടീമിൽ അദ്ദേഹം ഉണ്ടാകുമെന്ന് തന്നെയാണ് പ്രതീക്ഷിക്കപ്പെടുന്നത്. എന്നാൽ ഡാനി ആൽവസിന്റെ കരാർ പുതുക്കാൻ ബാഴ്സ വിസമ്മതിച്ചതോടെ അദ്ദേഹം ക്ലബ്ബ് വിട്ടിരുന്നു.ആൽവസ് ബ്രസീലിലേക്ക് തന്നെ മടങ്ങിയേക്കുമെന്നാണ് ചില റിപ്പോർട്ടുകൾ സൂചിപ്പിക്കുന്നത്.
ഏതായാലും ഡാനി ആൽവസ് വരുന്ന വേൾഡ് കപ്പിനുള്ള ബ്രസീലിയൻ ടീമിൽ ഉണ്ടാവുമോ എന്നുള്ള ചോദ്യത്തിന് ടിറ്റെ മറുപടി നൽകിയിട്ടുണ്ട്. അതായത് നല്ല ഫിസിക്കൽ കണ്ടീഷനിൽ അല്ലാതിരിക്കുകയും ഹൈ ലെവൽ മത്സരങ്ങൾ കളിക്കാതിരിക്കുകയും ചെയ്യുകയാണെങ്കിൽ വേൾഡ് കപ്പ് ടീമിൽ എടുക്കില്ല എന്നുള്ള കാര്യം താൻ തമാശ രൂപേണ ഡാനിയോട് പറഞ്ഞു എന്നാണ് ടിറ്റെ പറഞ്ഞിട്ടുള്ളത്. അദ്ദേഹത്തിന്റെ വാക്കുകളെ ഗ്ലോബോ റിപ്പോർട്ട് ചെയ്യുന്നത് ഇങ്ങനെയാണ്.
Tite elogia Dani Alves, mas admite preocupação após saída do Barcelonahttps://t.co/qXCIck0A9J
— ge (@geglobo) June 20, 2022
” ടെക്നിക്കലി അസാധാരണമായ ഒരു താരമാണ് ഡാനി ആൽവസ്. എന്നാൽ ഞാൻ അദ്ദേഹത്തോട് തമാശരൂപത്തിൽ ഒരു കാര്യം പറഞ്ഞിരുന്നു. നീ വേൾഡ് കപ്പിൽ ഇല്ലാതിരിക്കുകയാണെങ്കിൽ അതിന് ഒരു കാരണമേയുള്ളൂ. ശാരീരികമായി നല്ല കണ്ടീഷനിൽ അല്ലാതിരിക്കുകയും ഹൈ ലെവൽ ചാമ്പ്യൻഷിപ്പ് കളിക്കാതിരിക്കുകയും ചെയ്യുന്നതാണ് ആ കാരണം ” ഇതാണ് ടിറ്റെ പറഞ്ഞിട്ടുള്ളത്.
നിലവിൽ ഏത് ക്ലബ്ബിലേക്ക് പോവുമെന്നുള്ളത് ഡാനി ആൽവസ് തീരുമാനിച്ചിട്ടില്ല. വേൾഡ് കപ്പിന് ആറുമാസം മാത്രം ബാക്കി നിൽക്കെ യൂറോപ്പിൽ തന്നെ തുടരാനായിരിക്കും ഡാനി ശ്രമിക്കുക.
