ഫ്രാൻസ് ഇന്ന് കളത്തിൽ,എംബപ്പേയുടെ കാര്യത്തിൽ ആശങ്ക!

യുവേഫ യൂറോ കപ്പിലെ തങ്ങളുടെ ആദ്യ മത്സരത്തിനു വേണ്ടി വമ്പൻമാരായ ഫ്രാൻസ് ഇന്ന് കളിക്കളത്തിലേക്ക് ഇറങ്ങുകയാണ്. എതിരാളികൾ മിന്നുന്ന ഫോമിൽ കളിക്കുന്ന ഓസ്ട്രിയയാണ്. ഇന്ന് രാത്രി ഇന്ത്യൻ സമയം 12:30നാണ് ഈയൊരു മത്സരം അരങ്ങേറുക. സൂപ്പർ താരം കിലിയൻ എംബപ്പേയുടെ ക്യാപ്റ്റൻസിയിലാണ് ഫ്രാൻസ് ഈ ടൂർണമെന്റിന് ഇറങ്ങുന്നത്.

എന്നാൽ എംബപ്പേയുടെ ഫിറ്റ്നസിന്റെ കാര്യത്തിൽ പലവിധ ആശങ്കകളും ഉണ്ട്. പരിക്കിന്റെ പ്രശ്നം കൊണ്ട് തന്നെ കഴിഞ്ഞ കാനഡയ്ക്കെതിരെയുള്ള സൗഹൃദ മത്സരത്തിൽ എംബപ്പേ കളിച്ചിരുന്നില്ല.മാത്രമല്ല ട്രെയിനിങ് സെക്ഷൻ അദ്ദേഹത്തിന് നഷ്ടമാവുകയും ചെയ്തിരുന്നു. വൈറൽ പനിയുടെ പ്രശ്നം അദ്ദേഹത്തിന് രേഖപ്പെടുത്തപ്പെടുകയും ചെയ്തിരുന്നു.

മത്സരത്തിന് വേണ്ടി 100% എംബപ്പേ ഓക്കേ ആയിട്ടില്ലെങ്കിലും അദ്ദേഹം ഇന്നത്തെ മത്സരത്തിൽ കളിക്കും എന്ന് തന്നെയാണ് റിപ്പോർട്ടുകൾ. അദ്ദേഹത്തിന്റെ ഫിറ്റ്നസിനെ കുറിച്ച് അദ്ദേഹത്തോട് തന്നെ ചോദിക്കപ്പെട്ടിരുന്നു. ഏറ്റവും പ്രധാനപ്പെട്ട കാര്യം മാനസികമായി തയ്യാറെടുക്കുക എന്നാണ് എംബപ്പേ നൽകിയ മറുപടി. ഏതായാലും ഇന്നത്തെ മത്സരത്തിൽ എംബപ്പേ തന്നെയായിരിക്കും ഫ്രാൻസിന്റെ വജ്രായുധം.